Durante un conferencia di prensa di Gobierno di Aruba conhuntamente cu otro instancianan cu ta forma parti di e Crisis Team, a bira conoci cu e cantidad di persona contagia cu COVID-19 na Aruba a aumenta te 28. Prome minister Evelyn Wever-Croes a confirma pa comunidad cu awe ecasonan nobo aki.

Tocante e pacientnan aki, prome minister a manifesta cu nan ta den bon estado di salud, nan ta mustra sintoma leve, ademas el a bisa cu e ‘contact tracing’ a cuminsa caba, pa asina mira cu ken nan tur tabata den contacto.

Di e 9 personanan cu a ser haya positivo, 6 ta bin for di Respaldo loke nan ta considera den terminologia como un ‘cluster’ y nan lo bay sigui haci testnan cu esunnan cu tabatin sintoma. Di e casonan anterior ya dos tambe tabata di Respaldo treciendo esey na 8 caso relaciona.

Tambe el a menciona cu a cambia strategia desde 19 di maart pasa y nos por mira e resultadonan awor; nan a amplia e capacidad pa haci test cu ta un di e recomendacionnan di OMS pa asina por detecta mas caso y e virus no haya chens pa por infecta mas hende.

“Esaki ta algo sin precedente y e magnitud di e problema ta birando mas grandi”, prome minister presidente a comenta. Como tal el a anuncia cu desde diadomingo awor, pa 12:00 di marduga – dia diasabra pa diadomingo – lo ocuminsa cu un otro fase di precaucion, yama ‘shelter in place’. Esaki ta implica cu ningun ciudadanoo por sali di su cass, a menos e ta cay den e categoria di trabao esencial, pa cual lo publica un lista di esakinan. No tin motibo pa panico, pasobra den oranan di dia si ta permiti pa sali for di cas pa bay supermercado, restaurant pa busca cuminda (take-away o drive-through), y pa bay dokter o botica. Demas famia mester keda cas. Sali pa otro motibo o sali pa bay trabao no esencial no ta permiti.

Ta obvio cu e virus ta plamando den comunidad y ta aumenta e medidanan pa trata di contene e virus. E mensahe ta simple: Keda Cas!!

LEAVE A REPLY

Please enter your comment!
Please enter your name here