Conseho di Isla diaranson ultimo a pasa un ley c uta otorga Gobernador di e isla podernan special pa proteccion di siguridad publico di e isla di Saba.
E ley ta duna cuatro poder special: vigilancia di cámara, detencion administrativo, areanan di peligro pa siguridad y areanan prohibi.

E autoridad pa implementa camara di siguridad den areanan publico ta esun mas importante pa Saba. Camaranan, fiho of movibel, por wordo instala den caso di problemanan relaciona cu siguridad publico, manera crimen of debi na vandalismo. Gobernador di e isla ta consulta cu Fiscal Publico prome cu pone camara. E imagennan di e camara ta wordo graba of mira den real time, ta wordo elimina despues di cuatro siman, a menos cu autoridadnan ta sospecha cu tin un crimen envolvi. Polis ta uza e material aki den nan investigacionnan criminal.

Lo notifica publico di unda e camaranan por media di borchinan. E areanan mas probabel unda por instala e camaranan aki ta haf, aeropuerto, facilidad di procesa sushi, pero otro areanan tambe ta posibel. Ta papia aki di rutanan di naturalesa, camindanan publico y parkinlots, dump Hell’s Gate Gut, edificionan di gobierno, companianan estatal y otro edificionan unda gerencia ta pidi vigilancia di camara.

Eventonan di alto riesgo

Eentre e podernan special di detencion administrativo, e Gobernador di e isla por ordena polis pa detene un grupo di persona te cu 12 ora. Por uza e autoridad aki durante eventonan di alto riesgo manera demostracionnan of eventonan ilegal ora cu un grupo no sigui of mantene nan mes na e leynan local, strobando paz y si nan bira agresivo.

E poder pa wordo uza den areanan di riesgo pa siguridad si tin un miedo real cu por uza armanan den cierto sitionan. Polis por listra, paña, auto y otro pertenencianan den tal cas. Fiscal publico, hefe di polis lo evalua e riesgonan prome cu aproba uzo di e poder aki.
E autoridad pa pone prohibicion pa reuni na cierto areanan, uza caba como un advertencia pa comportacion ruidoso, pelea y uzo excesivo, no ta tolerabel durante eventonan grandi carnaval y Dia di Saba, por uza na un sitio pa te cu ocho siman.

E poder lo wordo reforsa door di polis y no ta uza esaki den casonan no pisa, pero den situacionnan extremo. Esaki ta loke cu Gobernador di e isla Jonathan Johnson a splica durante un reunion di Conseho di Isla na inicio di e siman aki. Ta uza e poder aki solamente si no tin un otro forma rasonabel y civilisa pa soluciona e problema y si nan ta den proporcion cu nan meta.

Prevencion
“Ta miho pa actua di forma preventivo, prome cu e situacion escala,” Johnson a bisa, den reaccion riba cuestionamento door di e miembro di Conseho di e Isla Vito Charles. E miembro aki a bisa cu ademas di preveni escalacion, ta importante tambe pa Polis atende cu e hendenan cu respet y no actua cu man duro mesora. “Polis mester bisa e hendenan cu respet cu nan actuacion no ta tolerabe;,” el a bisa.
E podernan special ta necesario debi cu e Gobernador di e isla ta responsabel pa siguridad publico y siguridad di e hendenan di Saba. E ley nobo ta dun’e mas poder pa brinda un miho sigurida. E podernan special no ta pa castiga, pero pa protege e ordo publico y siguridad den situacionnan di emergencia y/of pa preveni problemanan.