(EFE) – Rumannan Gilberto y Miguel Rodriguez Orejuela, ex-capo di e desaparecido cartel di Cali, lo duna nan version na Comision di Berdad riba nan actuacion den conflicto arma na Colombia, ayera diahuebs e entidad ey a informa.

E comision, cu ta investiga e causanan y origen di e conflicto arma Colombiano, a splica cu e presidente di e organismo aki, e pastoor hesuita Francisco de Roux, a manda un carta na Gilberto Rodriguez pa scucha nan version.

“Awor ta den proceso con nan lo wordo scucha y e medionan cu lo utilisa” e Comision a detaya cu tambe ta buscando un fecha pa esaki.

Rumannan Rodriguez Orejuela, cu ta cumpli condenanan pa narcotrafico na Merca, na unda nan a wordo extradita na 2004 y 2005, a manifesta den un carta na september ultimo cu nan ta dispuesto pa acudi na e Comision di Berdad.

E carta ta e contesta pa ex-presidente Colombiano Andres Pastrana pa entrega caba, tambe na september, na Comision di Berdad un carta redacta supuestamente bao presion di ex-mandatario den cual nan tabata conta cu su apoyo financiero tabata pa e campaña presidencial di na e momento ey candidato Ernesto Samper, cu tambe a involucra su homber di confiansa Horacio Serpa.

Comision di Berdad a scucha den casi su tres aña di labor testimonionan di miles di victima, di militarnan y tambe di ex-presidente Cesar Gaviria (1990-1994), Ernesto Samper (1994-1998), Andres Pastrana (1998-2002), Alvaro Uribe (2002-2010) y Juan Manuel Santos (2010-2018).

E unico ex-mandatarionan bibo di e pais a declara di manera boluntario (aunke den caso di Uribe di forma extra-oficial pa motibo cu e no ta reconoce e instancia aki ora no ta reconoce e acuerdo di paz) na Comision, di forma publico of priva, crea pa acuerdo di paz na 2016 entre gobierno y guerrilla di FARC.

LEAVE A REPLY

Please enter your comment!
Please enter your name here