(AP) – Ora un muhe na Colorado a haya sa cu su hospital no lo aproba e operacion di transplante di riñon te ora u e ricibi e vacuna di COVID-19, el a keda cu e decision dificil di scoge entre su necesidad di salud y su creencia religioso.

Leilani Lutali, a kies di bay cu su creencia.

Aunke e tin un malesa den su rinon den su di 5 etapa cu ta pone su persona den riesgo di fayece sin un riñon nobo, Lutali, di 56 aña di edad a bisa cu e no por keda di acuerdo pa vacuna pa motibo cu e rol cu e celulanan fetal a hunga den e desaroyo di algun vacuna. Varios tipo di linea di celula crea decada atras usando material fetal tin un uso comun den e creacion of test di productonan medico, aunke e celulanan usa awendia ta clon di e celulanan usa anteriormente.

“Como un Cristian, mi no por sostene nada cu tin di haber cu e aborto di baby, y e santidad di bida pa mi persona ta precioso,” el a bisa.

UCHealth ta rekeri e recipientenan di transplante vacuna pa motibo cu e recipientenan ta na un riesgo mas halto di infecta cu COVID-19 y tambe di keda hospitalisa y muri pa causa di e virus, vocero Dan Weaver a bisa. Donador di organo cu no ta vacuna tambe por pasa COVID-19 na e recipiente hasta si inicialmente nan test negativo pa e virus, el a bisa.

“Estudionan a haya sa cu pashentnan di transplante cu haya COVID-19 tin un averahe di mortalidad di 20% of mas,” Dan a declara.

Te ainda no ta cla con comun e tipo di politica aki ta.

E American Hospital Association, cual ta representa casi 5,000 hospital, sistema di cuido di salud y rednan den Merca, a bisa cu nan no tin dato pa comparti tocante e topico. Pero si a bisa cu varios programa di transplante ta insisti pa e pashentnan ricibi e vacuna contra COVID-19 pa causa di estado di nan sistema inmunologico.

Mientras u cualkier tipo di operacion ta pone presion riba e pashent su sistema inmunologico, y ta laga nan vulnerabel na infecta cu COVID-19 despues, e recipientenan di transplante ta na riesgo hopi mas halto pa motibo cu nan mester haci uso di un cantidad grandi di medicina pa por debilita nan sistema inmunologico pa esaki no causa cu nan curpa lo rechasa y ataka e organo nobo, cual ta mira pa e curpa como un obheto stranhero, Nancy Foster ,AHA su vice presidente pa calidad y siguridad di pashent a bisa den un declaracion.

Centronan di Transplante na Washington, Vermont, Masachusetts y Alabama tin politica cu ta rekeri e recipiente vacuna, segun reporte di noticia.

Cleveland Clinic recientemente a dicidi di rekeri vacunacion di COVID-19 pa ambos recipiente di transplante y e persona cu lo dona esaki e organisacion a bisa den un declaracion.

Algun sistema di cuido di salud a recomenda of encurasha e vacunacoin pa transplante, incluyendo Mayo Clinic y Sentara Healthcare, dos di e nacion su sistema mas grandi. E University of Alabama Birmingham’s School of Medicine transplant program solamente ta recomenda pa e persona cu ta bay duna organo den donacion cu ta bibo ainda mester ta vacuna, pero e no ta rekeri esaki pa e proceso di donacion en general.

E miho tempo pa vacuna contra di COVID-19 ta prome cu e transplante di un organo. Si tempo permiti esaki, pashentnan lo mester ricibi nan di dos dosis por lo menos algun siman prome cu e transplante “pa e curpa por tin un bon respuesta inmunologico na e vacuna,” Dr. Deepali Kumar e American Society of Transplantation’s su presidente elegi y un dokter di cas specialisa den malesa infectuoso a bisa.

LEAVE A REPLY

Please enter your comment!
Please enter your name here