(NLTimes) – Un muhe di 38 aña na Terneuzen a ricibi sentencia di 3 aña den prison na Merca. A hay’e culpable di a pasa placa na un grupo terorista Somali yama al-Shabab. Segun medio Mericano, e sentencia aki ta hopi mas abao cu e 8 aña cu a pidi anteriormente.

E muhe ya caba a ser declara culpable na mei, y su sentencia a keda determina dialuna. Entre 2011 y aña 2014, e muhe Hulandes regularmente a papia cu mas o menos 15 otro hende muhe. El a keda manda placa den sumanan chikito pa medio di intermediarionan na Kenya. En total, e muhe di Zeeland a manda mas o menos 300 dollar na Somalia.

E muhe aki a core for di Somalia na Hulanda como un hoben. El a ricibi asilo y a biba na Zeeland. Den aña 2014, Merca a acusa su persona y el a keda aresta na Hulanda. El a purba preveni extradicion pa medio di procedencianan sumario. El a argumenta cu persecucion na Merca lo ta un menasa pa su bida y e bida di su 6 yiu. Corte Hulandes a declara cu no tabatin motibo pa para e extradicion. A pon’e riba un avion pa Merca aña pasa.

Durante e huicio na Merca, su abogado a argumenta cu e fiscalnan no tin derecho di procesa su persona pa motibo cu esaki ta involucra Hulanda y Somalia. Tambe, e suma di 300 dollar ta minimo, segun e defensa.

E fiscalnan no a keda di acuerdo cu esaki y a enfatisa cu pa medio di ricibi e suma aki, al-Shabab por cumpra un rifle Kalashnikov of paga un Jihadi su salario mensual.

LEAVE A REPLY

Please enter your comment!
Please enter your name here