(NLTimes) – Te cu diaranson, 1,976 persona na Hulanda a ricibi un vacuna preventivo contra e virus Monkeypox.

GGD na Amsterdam a vacuna mas o menos mita di nan, cual ta 987 persona. Instituto Nacional pa Salubridad Publico y Medio Ambiente, (RIVM) no a bisa cuanto persona a invita, pa loke no ta conoce e cantidad di persona invita cu no a vacuna.

E personanan ta ricibiendo e vacuna pa ‘smallpox’ Imvanez. E vacunacion aki lo proteha e personanan contra di malesa serio si nan keda infecta cu e virus.

E vacunacion preventivo a cuminsa siman pasa na Amsterdam y Haaglanden. Durante e prome dos dia, 146 di e 382 persona invita a presenta, cual ta mas o menos 38 porciento. GGD a bisa cu esaki ta causa pa e vakantie aki. Personanan ta ser vacuna den mas luga den e pais. Utrecht a cuminsa riba diasabra, IJsselland, Drenthe y Gelderland-Midden a cuminsa riba dialuna. E prome inyeccionnan lo ser duna na e regionnan cu falta te ainda den e proximo siman, RIVM a bisa.

Den e prome ronda, miles y miles di persona por ricibi e vacuna di prevencion. RIVM a invita nan pa motibo cu posiblemente nan ta na riesgo di ser infecta cu e virus. Personanan cu ta transgenero y hombernan cu a tin relacion sexual cu homber ta eligibel pa ricibi e vacuna si nan ta positivo pa HIV of ta tuma medicamento pa preveni cu nan ta haya HIV.

E cantidad di casonan di Monkeypox ta aumentando cu menos velocidad siman pasa y e siman anterior. Riba diahuebs tabatin 957 caso confirma na Hulanda. Esaki ta 32 biaha mas cu riba dialuna. Den un siman, e cantidad di casonan confirma a aumenta cu 79. Esaki ta e aumento semanal mas chikito desde fin di juni.

LEAVE A REPLY

Please enter your comment!
Please enter your name here