(Infobae) – E buskeda di e cuatro mucha desaparecido despues di e accidente aereo reporta na Guaviare dia 1 di mei no ta stop. Ademas di esfuerso militar y di comunidadnan indigena, a yega mas apoyo internacional na e pais pa reforsa e labornan di buskeda di e muchanan di 14, 9, 4 y 11 luna di edad.

Dialuna ultimo 22 di mei, a bira conoci cu e ayudo ta bay ta destina na comunidadnan nativo cu recientemente a drenta den selva di Guaviare y Caqueta pa continua den labor corespondiente na Operacion Esperanza, cu tin 23 dia caba den ehecucion.

E ayudo internacional ta consisti di tasnan cu awa y cuminda pa cu integrantenan di pueblonan indigena di Amazonia, cu ta participa den operacion, por continua cu e buskeda. Ademas, di acuerdo cu Noticias Caracol, dialuna den oranan di atardi a drenta otro 60 persona mas cu ta integra e comunidadnan aki pa uni na e labor.

Di otro banda, for di e Puesto di Mando Unifica instala na San Jose di Guaviare, a menciona cu no tin rapportnan di señalnan nobo cu por aumenta e speransa di haya Soleiny Mucutuy (9 aña), Tien Noriel Ronoque Mucutuy (4 aña), Lesly Mucutuy (14 aña) y Cristin Neriman Ranoque Mucutuy (11 luna).

A pesar di esey, Comando Conjunto di Operaciones Especiales de Forza Militar como Organización Nacional de los Pueblos Indígenas de Amazonía Colombiana (OPIAC), ta continua den labor di buskeda. Di esaki, a tuma luga un trabou conhunto entre ambos parti pa unifica esfuersonan.

General Pedro Sánchez, comandante di grupo di Operaciones Especiales, a indica cu pa varios biaha e agentenan a comparti y a integra nan mes den ritual indigena pa pidi na Mama Selva su ayudo y e pronto hallazgo di e muchanan.

Den sentido aki, nan a haci un yamada na e pueblonan indigena pa intermedia den encuentro cu e muchanan y pa tur por aparece sano y salbo.

Halto manda militar a reconoce cu forsa publico a acudi den prome instancia cu e capacidadnan tecnico y cientifico, el a reitera cu no mester kita balor of importancia na e tradicionnan, creencianan, ritual indigena cu tambe ta permiti e entrada na e selva di e comandonan special di Ehercito, pa asina por haya e muchanan desaparecido for di 1 di mei.

Den dialogo cu Blue Radio e general Sanchez tambe a papia di señalnan nobo, cu por ta di e muchanan, esey lo por permiti haya nan den proximo oranan y tambe a recorda cu den area aki tin operacionnan special aereo y terestre.

LEAVE A REPLY

Please enter your comment!
Please enter your name here