ABC ta rechasa studio pa falta di participacion y transparencia

ORANJESTAD – Relaciona cu e proyecto di hotel di 600 camber na San Nicolas, Stichting Aruba Birdlife Conservation a emiti den transcurso di diabierna un carta caminda nan ta laga nan punto cla. E carta ta bisa textualmente:

“Apreciabel boluntario-, partner-, sostenedonan y publico en general,

Algun minuut despues di e publicacion di NoticiaCla awe nochi, dia 7 di februari 2019, cu un hotel lo wordo construi den Colony, ABC y algun NGO socio a ricibi e adhunto ‘Environmental Impact Assessment Baby Beach Hotel’.

Como cu nos no conoce niun di e companianan aki, y nos por conclui unicamente cu no tabatin e proceso debi den cual publico y e NGO relevante ta wordo duna un oportunidad serio pa participa den forma significante, tanto di parti di gobierno como di e companianan envolvi, ABC ta rechasa e EIA aki, como tambe e proyecto concerni.

Den un gobierno cu ta boga di integridad y transparencia, no tin espacio pa e conducta poco profesional y cuestionabel aki.

E tesoronan precioso cu ta pertenece na comunidad Arubano ta merece un standard di conducta hopi mas halto di esunnan cu ta simplemente forsando e proyecto aki riba e muchanan di Aruba.

Gobernacion transparente ta rekeri participacion oportuno y comprometi di e NGO relevante y stakeholders, y esaki ta completamente ausente.

Ta absolutamente inapropia y falta di respet pa comunidad Arubiano pa pusha un proyecto asina, mientras un plan espacial (ROP 2019) ta den preparacion, y un regimen legal restrictivo ta activo (‘Voorvereidingsbesluit R.O.P. en R.O.P.v.’), y esaki net despues cu gobierno a declara un moratorio.

Nos ta tuma e libertad di comparti esaki cu comunidad completo pa sirbi e interes di transparencia y integridad. ABC di e forma aki ta pidi pueblo en general pa reacciona na e desaroyo aki via e canalnan apropia, na e instancianan relevante, y sin lubida bo representantenan politico.

Cu hopi tristesa,

Aruba Birdlife Conservation”

 

You May Also Like

21AlumnoCiego (1).JPG

Alumno ciego ta logra su diploma A di landamento

FAVI ta sumamente orguyoso di tur su clientenan cu a of cu ta bay ...

Robert Leal: ‘Stress por crea e raiz di circulo vicioso’

ORANJESTAD – Stress ta un sentimento di tension fisico of emocional. E ta e ...

ATA cu prome anochi informativo na San Nicolas

Aruba Tourism Authority conhuntamente cu varios socionan den gobierno, sector priva, NGO’s y e ...

presupuesto 2017

Raad van Advies a conseha gobierno pa no entrega presupuesto 2017; no ta realistico

E organo consultativo constitucional, Raad van Advies, a duna gobierno un conseho negativo riba ...

image.jpeg

AH&SF ta ricibi 720 mil florin anualmente di ATA y ta inverti esey den polis y ekipo

“E fundacion ta un bon ehempel di con gobierno, sector priva, ATA y hotelnan ...