Abeha mas grandi di mundo haya na bida

E abeha gigante – cu ta mesun largo cu e duim di un adulto – a wordo haya den un isla poco explora na Indonesia.

Despues di dianan di buskeda, expertonan di bida salvahe a haya un abeha femenino bibo, cual nan a film y saca potret.

Conoci como e abeha gigante di Wallace, e insecto ta yama pa e naturalista y explorador Britanico, Alfred Russel Wallace, kende a describi e animal na 1858.

Cientificonan a haya varios specimen na 1981 riba tres isla di Indonesia. E no a wordo mira na bida desde e tempo ey, maske tabatin un reporte aña pasa di dos specimen di e abeha ofreci pa benta online.

Na januari, un ekipo a sigui e stapnan di Wallace den un biaha a traves di Indonesia, den un intento pa haya y saca potret di e abeha.

“A laga mi sin rosea pa mira e insecto aki, cu nos ni tabata sigur si e ta existi mas, pa tin prueba real aki nos dilanti den naturalesa” segun fotografo di naturalesa, Clay Bolt, kende a saca e prome potret y video di e especie bibo.

E descubrimento, den e isla conoci como North Moluccas, ta duna speransa cu e bosnan di e region ainda tin un di e insectonan mas poco comun y mas busca den mundo.

Experto di abeha kende a biaha cu e team, Eli Wyman, un entomologo na Princeton University, a bisa cu e tabata spera e re- descubrimento lo impulsa investigacion pa un comprension mas profundo di e storia di e bida di e abeha, y informa esfuersonan den futuro pa proteha e abeha contra extincion.

E abeha gigante di Wallace actualmente ta lista como vulnerabel pa exticnion, segun e International Union for Conservation of Nature.

Sinembargo, comercio internacional di e especie aki actualmente no ta restringi pa e Convention on International Trade in Endangered Species.

E grupo ambientalista, Global Wildlife Conservation (GWC), kende a lansa un buskeda mundial pa ‘especienan perdi’, a duna sosten na e trip pa haya e abeha. “Door di haci e bestia famoso den conservacion, nos tin confiansa cu e especie tin un futuro mas briyante cu si nos djis lag’e wordo colecta te extincion”, segun Robin Moore. Na januari, e grupo a anuncia cu nan a haya mas sapo Boliviano perteneciendo na un especie cual tabata pensa cu un macho so tabata resta.

 

You May Also Like

Leon Cecil

Dentista cu a mata leon Cecil famoso, ‘off the hook’

Zimbabwe no ta bay cuminsa un caso contra dentista Mericano Walter Palmer cu a tira ...

Hefe di campaña di presidente Donald Trump a entrega su mes na FBI

E persona encarga cu campaña di presidente Donald Trump den ultimo eleccion Mericano a ...

EdM ATA Pasahero.JPG

FBI: No tin prueba di crimen den emails di Clinton

Eleccion na Merca ta bolbe tuma un otro direccion despues cu FBI ta declara ...

baby morto aleman.jpg

8 baby haya morto den cas Alemania

Despues un muhe a descubri e curpa di un baby, autoridad a haya mas ...

nota 4 mexico.jpg

Hues cu a para extradicion di Chapo Guzman a wordo asesina

Vicente Antonio Bermúdez Zacarías, tabata e hues di e distrito di Amparo y Huicio ...

Ainda Trump no a dicidi riba acuerdo di medio ambiente cu Europa

Presidente di Merca Donald Trump kisas no lo bay firma acuerdo di medio ambiente ...