Venezuela: Exportacion di crudo a reanuda

E principal terminal di exportacion di petroleo di Venezuela, Jose, na estado Anzoategui, a reanuda operacion y ta saliendo crudo atrobe di e pais, despues cu e blackout di cinco dia a para trabao na e terminal aki tambe. E exportacion, di vital importancia pa economia di e pais, a keda para pa e blackout cu a afecta tur actividad economico desde diahuebs siman pasa. Energia electrico ta restavbleci den mayor parti di e pais actualmente.

Tambe e upgradernan Petrocedeño y Petrosinovensa, cu ta produci un crudo liviano, a reinicia operacion, mientras cu Petromonagas y Petropiar, e otro dos upgradernan, tabata haci prearacion pa cuminsa opera atrobe. E blackout a laga tur cuatro planta cu un operacion minimal durante varios dia y lo a afecta tambe e refineria di Puerto la Cruz.

E cargamento di e barconan a cuminsa diamaras pasa, cu entre otro e barco Suezmax Fontana fleta pa Petrochina y cu destino China, cu a caba di carga ayera. Ningun carga di exportacion a sali di Venezuela desde dia 7 di maart, segun e datonan di registracion di barco.

Ministerio di Petroleo di Venezuela y Pdvsa no a responde di inmediato riba e solicitudnan di comentario.

E blackout a haci e problemanan cu industria petrolero Venezolano tin despues cu Merca a impone mas sancion ainda riba Pdvsa, pa obliga presidente Maduro bandona su puesto. En total ta calcula cu e pais a perde mas di 875 miyon dollar cu e blackout, segun calculo di Asdrubal Oliveros, director di e agencia Ecoanalitica.

 

You May Also Like

Barco perdi for di Aruba rumbo Colombia a wordo haya

Un bon noticia pa habri fin di siman. E barco cu a sali for ...

Colombia: autoridadnan hudicial ta inicia investigacion den caso di naufragio Guatapé

COLOMBIA (ElTiempo).- Procuraduria General di Nacion a inicia un investigacion preliminar den e caso ...

Regimen di Maduro a prohibi importacion di medicina pa manifestantenan

Empresa di mensaheria (postorder) cu ta opera na Venezuela a alerta tur nan cliente ...

Nicolas Maduro ta considera para trafico comercial cu Aruba, Bonaire y Curaçao

(lapatilla.com) – Caracas – Presidente Nicolás Maduró a señala diamars ultimo den un transmision ...

Brasil: Ocho empleado di empresa minero Vale SA aresta

A detene ayera ocho empleado di e compania minero Vale SA den cuadro di ...

Pdvsa ta firma acuerdo nobo cu empresa Ruso Rosneft

(EFE/lapatilla.com) – E empresa estatal Venezolano Petroleos de Venezuela (Pdvsa) a firma diasabra pasa ...