Absentismo laboral den sector priva a keda bou margen internacional

ausentismo sector priva.jpg

Director di Banco di Seguro Social (SVb) sr. Edwin Jacobs a indica cu ora cu nan ta atende cu absentismo laboral, SVb ta uza tres indicador pa evalua y monitor absentismo den e dos sectornan, esta sector publico y sector priva.

Un di e indicador ta e frecuencia promedio di notificacion di AO. E di dos ta e promedio di duracion di AO y e di tres ta e porcentahe di absentismo laboral. E ta splica cu e porcentahe di absentismo laboral ta esun cu ta bisa bo pa ehempel di 100 dia  di trabou cuanto no a wordo traha pa motibo cu e persona tabata incapacita pa traha.

Teniendo cuenta cu e indicadornan aki, director di SVb a declara na Bon Dia Aruba cu den e sector priva e absentismo laboral ta kedando den e mesun direccion compara cu aña 2014.   Na 2015 e sector aki tabatin un porcentahe di absentismo di 2.67%. Kiermen di cada 100 dia di trabou 2.67 no por a traha pa motibo di incapacidad laboral. Esaki ta logicamente pa e grupo sigura pa seguro di malesa cu ta esun cu ta yega te 54.600 florin anual di entrada.

Notificacion AO sector priva

Pa loke ta trata e promedio di notificacion di AO den sector priva, e ta 1.13, kedando semper den e margennan. Y e promedio di duracion di AO tabata di 9.28 dia. Sr. Jacobs a señala cu si nos ta compara e datonan aki cu e cifranan di e ultimo 5 añanan, nos por mira cu practicamente tur e indicadonan -cu excepcion di cantidad di dia promedio di AO- tur tabata bou di e promedio. Kiermen 2015 no a mustra un tendencia preocupante compara cu e  ultimo lustro riba tereno di absentismo laboral pa e sector priva. 

Ta resalta tambe cu den e sector priva e absentismo laboral ainda ta keda bou di locual internacionalmente ta wordo experimenta. Ya cu den otro paisnan e ta un promedio mas halto cu un 3%. “Cerca nos e ta bou di un 3% kedando den un margen hopi bon. Aunke el a aumenta un tiki compara cu 2014”, el a bisa. Esaki debi cu na aña 2014 a wordo registra un record absoluto di absentismo laboral. 

You May Also Like

Rumannan Kok ta inaugura un optica nobo na Noord

Di generacion pa generacion, cuido di wowo, experticio den bril di bista como tambe ...

Chupitoz Shotbar preparando pa habri na Palm Beach

Empleadonan di Ex-Señor Frogs ta bon bini pa join e team.  

Foto2.JPG

Caso di hincamento fatal na Piedra Plat posponi pa Maart 2017

Diabierna mainta e dama di nacionalidad Chines inicial M.T. cu a asesina director di Serlimar ...

IOWUA situacion trahado valero.JPG

Presidente di IOWUA, Boy Anthony: “Nos no a firma nada”

Presidente di IOWUA, Boy Anthony a bisa cu e no a firma nada ainda ...

Cardiologo pashent AZv colombia.jpg

Mayoria di pashent cu nan ta ricibi di Aruba ta di riesgo halto

Cardiologo,  Dr. Antonio Figueredo tabata un di e oradonan invita durante e di cuater ...

Hende muhe pronto lo por drenta milicia Arubano

‘E simpel echo cu mi a asumi e posicion aki den pais Aruba ta ...