Den e reunion den Staten unda a eligi e Presidente y vice Presidente nobo, Parlamento tambe a cera e Aña Parlamentario 2015-2016.
E relato aki ta duna un bisa riba e cantidad di documento, reunion, ley, preguntanan, amienda, mocion cu Parlamento a trata den e aña ki.
Por ehempel: a entrega 24 ley di cual Parlamento a aproba 12 (lista por haya ora di click riba e link ‘relato’)
Tambe por mira e cantidad di reunionan y eventonan den exterior na unda parlamentarionan a participa.
Di e cantidadnan di reunionan cu fraccion a pidi pa tuma luga na escrito, por mira cu mayoria no a tuma luga: 19 reunion yama sinembargo 7 so a tuma luga.
Den e relato por lesa tambe cuanto biaha e comisionan fiho a bin hunto: tur comision a reuni bou expecion esun cu e comison di Landsuitgaven (gastonan publico) cu niun biaha a topa cu otro. E comision aki ta bou presidencia di Marisol Lopez Tromp. Di e ‘bijzondere commissies’ (comisionnan cu ta varia) solamente e comision di Optimalisering Staten (optimalisa parlamento) no a reuni. E presidente di e comison aki tambe ta sra. Lopez Tromp. Bon Dia Aruba lo pidi sra. Lopez Tromp dicon no a logra di reuni.
Finalmente Staten a reuni 118 ora y 48 minuut total y e reunion mas largo tabata esun riba e presupuesto 2016 cu a tuma 29 ora y 3 minuut.
_0.jpeg "Marisol Lopez Tromp ta declara su mes parlamentario independiente como presidente di Parlamento di Aruba")
