Centenares di activista a uni na e base di Hawaii su sero mas halto pa protesta e construccion di un telescop grandi na e tera cu mayoria di persona nativo di Hawaii ta considera como sagrado.

Trahado estatal y local lo purba cera e caminda di Mauna Kea, pa asina e truck hibando ekipo di construccion por yega ariba. Trahado ta bisa cu cualkier cu kibra ley lo ser procesa.

Manifestante cu a yega di blokia e caminda pa evita construccion a keda aresta. Cientifico ta spera cu telescop enorme por yuda observa e momento ‘husto despues di e big bang’ y duna contesta fundamental di universo.

Pa hendenan nativo di Hawaii, Mauna Kea ta considera tera santo, como un luga di adoracion. Grupo di activista a canta y resa na e base di e sero. “Esaki ta e patria di Hawaii, nos no ta den nan caminda, nos no ta kibrando ningun ley, tur ta riba nan ceremonia”, segun Kealoha Pisciotta, un lider di manifestacion.

E proyecto di telescop a retrasa pa varios aña di lucha y demostracion legal. Cientifico a scoge Mauna Kea na 2009, despues di buskeda mundial di 5 aña. Construccion a stop na 2015 despues cu manifestante a ser hiba prizon pa blokia e trabou.

Un di dos biaha a purba pa bolbe haci e trabou di construccion, algun luna despues a hiba mas persona prizon. Corte supremo di Hawaii a dicta cu e construccion ta legal, permiso ta legal y e ciudad a duna luz berde pa e compania di telescop sigui cu nan trabou.

Gobernador di Hawaii, David Ige, a bisa cu lo uza unidad di Guardia Nacional pa transporte di personal pa cumpli cu algun ceramento di caminda, pero no lo uza capacidad di aplicacion di ley durante protesta plania.

Den un conferencia di prensa, Ige a bisa cu ta respeta e derecho di persona pa protesta na e luga di telescop pero ‘nan tin cu comporta legalmente’. “Nos prioridad number un ta mantene tur hende sigur y pa trahado di e construccion por tin acceso sin ningun problema na e luga di telescop”, Ige a bisa.

 

LEAVE A REPLY

Please enter your comment!
Please enter your name here