Administracion di Obama a viola ley cu contract di lease pa azeta y gas

WASHINGTON — Administracion di Obama a viola ley federal, door di faya pa tuma den consideracion e impacto riba cambio climatico di lease tereno publico pa bora pa oil y gas na Wyoming, segun un hues federal a bisa diamars.

Pero e decision di e corte Mericano pa districto di Columbia tambe por presenta un menasa legal pa e agenda di presidente Trump pa expande boramento di azeta y gas, y mineria di carbon, a traves di e terenonan y awa publico di e nacion. Esey pasobra e decision ta conta como un mapa, cu por wordo uza pa reta centenares di lease di administracion di Trump tambe.

Sinembargo, segun expertonan, mientras e decision lo por hiba na retrasonan legal pa e expansion di boramento di Trump, door di mara nan den litigacion, no ta mucho probabel cu lo para esaki completamente.

E decision diamars di hues Rudolph Contreras, cual ta aplicabel specificamente na un plan, di tempo di Obama, di e departamento di Interior su Bureau di maneho di tereno pa lease varios miles di hectarea pa boramento na Wyoming, tambe a conclui cu e agencia tabata rekeri legalmente pa considera e impacto climatico di tur e benta di lease pa desaroyo di combustibel fosil.

Den su decision, hues Contreras a skirbi cu, bou e National Environmental Policy Act di 1970, agencianan federal ta rekeri pa considera y cuantifica e efecto di e posibel emision di gas invernadero asocia cu e combustibel fosil cu lo ser extrai for di e benta di e lease aki. Ya caba, e ley ta rekeri gobierno federal pa considera e efectonan ambiental riba e sitio di boramento pa gas y azeta, manera contaminacion di awa, y e efecto di construccion di caminda riba matanan y animal.

E Bureau of Land Management a protesta cu ‘lo rekeri pa identifica cualkier proyecto mundial cu lo emiti gas invernadero den pasado, presente, y futuro rasonablemente predeci’, cual lo ta un campo di analisis ‘imposibel’.

Hues Contreras a skirbi cu e agencia ta corecto cu e ley ‘no ta rekeri lo imposibel’. Pero el a skirbi, “BLM no a cuantifica adecuadamente e impacto riba cambio climatico di lease pa azeta y gas.”

En general, e proposicion pa benta di lease di administracion di Trump a inclui menos analisis di impacto climatico cu esunnan di Obama cual tabata e enfoke di e decision di hues Contreras.

Expertonan a bisa cu e rekerimento di hues Contreras no tabata particularmente dificil. “No ta un calculacion cu ta consumi bo tempo”, sr. Revesz, di Universidad di New York, a bisa. “E ta basa riba un model cu ya ta existi.”

“E corte ta bisando, bo mester bay bek y tira un miho bista riba impacto climatico” a bisa Harry Weiss, un experto den ley di recurso natural na Ballard Spahr. “Pero nan tambe ta biusando, si nan haci un bon trabou den esaki, e ora ey nan por bay bek pa bora.”

 

You May Also Like

Justin Trudeau

Partido liberal a gana eleccion Canada

Despues di casi 10 aña mando di e partido conservativo na Canada, e partido ...

Brussels teror

Mas detencion den ‘New Year terror plot’

Polis Belgica a detene 6 persona mas en conexion cu un atake supuesto riba e ...

_90955909_034707435-1.jpg

Minister Aleman ta bisa ‘Brexit’ por caba cu Union Europeo

Minister Aleman Sigmar Gabriel ta adverti cu e futuro di Union Europeo por ta den ...

tiroteo huls.png

Tiroteo awe mainta cu mas di 60 huls recupera na sitio

Caso di tiramento registra na Trinidadweg na Corsou caminda homber ta yega cas pa busca ...

Prince

Artista Prince (57) a muri den su cas

Autoridadnan Mericano ta investigando e morto di Prince. E artista famoso a fayece awe den su ...

_90793576_19b79dba-d347-4ffd-a9f5-022d088619a5.jpg

Venezuela ”no ta den crisis humanitario”

Embahador Venezolano di Nacionnan Uni, Rafael Ramirez, ta nenga cu tin un crisis humanitario den ...