Un pinguin albino a debuta na zoologico na Polonia

WARSAW, Polonia — Un pinguin albino, extremadamente inusual, a haci su debut na e zoologico Gdansk Zoo na nort di Polonia.

E pinguin albino a Sali di su webo na mey december, y ta bou cuido veterinario. Den naturalesa, un pinguin inusual asina lo ser rechasa pa otro pinguin y lo tin poco chens pa sobrevivi.

Pero na Gdasnk, e tin su mayornan y otro dos pinguin amigabel.

E genero di e parha ainda no ta determina. E ta pisa poco mas di 1 libra, y tin 28 cm di haltura.

Director di e zoologico, Michal Targowski, a bisa ayera cu e pinguin albino ‘lo ta esun prome pa wordo ataca pa predador’. El a bisa cu e pinguin mester cuidado special, ya cu e tin mas chens di malesa door cu e no tin e pigmento preto protector. El a bisa su ekipo tabata sorprendi, pero ‘increiblemente felis’ pa tin un baby pinguin albino.

 

You May Also Like

Mexico ta insisti cu no lo paga pa muraya di Trump

Gobierno Mexicano a laga sa diadomingo cu nan no ta bay paga pa e ...

gettyimages-521756430.jpg

Temblor na Ecuador: Mas cu 70 hende morto

Rescatadornan ta buscando sobreviviente ainda pa locual ta mustra di ta e temblor di mas ...

OM a descubri un organisacion di traficacion heroina

AMSTERDAM – Recientemente den e investigacion di e asesinato di Bouchikhi (17) na januari ...

Shutdown di gobierno ta dal Merca riba prome siman di trabao

Miles di trahadonan federal no lo por reporta na trabao dialuna, mientras cu senado ...