Adolescente morto despues di acusacion inhusto di violacion

nintchdbpict0002889670951.jpg

Diamars cu a pasa Fiscalia di Chile a revela cu un mucha homber di 13 aña, cu a ser acusa di viola un mucha muhe di cinco aña na ciudad sur di Temuco, a muri. El a ser tortura durante diesdos hora pa 4 hende adulto y finalmente el a ser asesina pa asfixia cu un saco.

E crimen a conmove henter pueblo di Chile, ora cu e fiscal Rigoberto Garrido a trece un informe di Servicio Medico Legal unda ta revela cu e mucha muhe no tin señal di a sufri ningun violacion.

 

“E test sexocologico di e victima ta bisa cu e no a presenta lesion di banda genital, cu por ta compatibel cu un violacion” Garrido a bisa na tur e periodistanan.

 

Tribunal di garantia di La Araucania na sur di Chile a dicidi mantene den prizon preventivo Johana Mora Villagran, Pablo Morales Correa, Abraham Bravo Palma y Victor Chanqueo Mora, kendenan a ser presenta na Fiscalia pa motibo di homicidio califica.

 

E mucha homber a permanece diesdos hora mara riba un stoel, unda el a ricibi hopi golpi cu un martio, despues el a ser tortura te momento cu e mayornan di e mucha muhe, supuesto victima, a procede pa asfixia e mucha homber cu un saco y un cusinchi, segun declaracion di un prizonero.

 

E fiscal a splica cu tur cuatro prizonero a participa den crimen

 

“ Un di nan a facilita e luga unda e mucha homber a ser maltrata, otro prizonero a participa na agresion y finalmente e mayornan di e mucha muhe a participa den e homicidio. E accion comun aki ta cu tur 4 tabatin boluntad pa maltrata e mucha homber.

 

E fiscal a bisa cu e mucha homber tabata mara bao cuido di un di e prizoneronan ey y e no a dune ningun ayudo. E hoben a haya hopi golpi y a presenta hopi lesion y fractura den su cara”. Dialuna ultimo autoridad a haya e curpa di hoben aki.

 

E mucha homber cu a ser asesina tabata drumi den Servicio Nacional di Menor (Sename), pero durante dia e tabata bende calender den bus of restaurant di ciudad di Temuco.

You May Also Like

_84850596_028533944-1.jpg

Lider di oposicion Venezolano Daniel Ceballos aresta atrobe

Un di e lidernan general di oposicion Venezolano, Daniel Ceballos a wordo aresta atrobe ...

Paraguay: guerilla cu donacion como condicion pa libera hoben

Diamars miembro di un comunidad di Menonita di norte di Paraguay (Menonita ta un grupo ...

philly.jpg

Reportero ta haya mokete den cara riba live TV

Un reportero di TeleMundo a haya un mokete den cara durante un programacion en bibo ...

Homber a asesina persona cu a abusa di su pareha

Un hoben cu ta bisa cu e ‘no ta arepenti’ di a mata e ...

Funeral di e rey di Thailand lo costa 90 miyon dollar

Basta ciudadano a drumi riba caya diaranson bao di awasero pa reserva un luga ...

proxy.jpg

Polis di Texas na sitio, posibel caso di tiramento y rehen

Departamento di Polis Amarillo na Texas, US, ta confirma un situacion di un persona arma ...