Aeropuerto a kita manager pa intimidacion sexual

Un landslide operation manager di Aruba Airport Authority (AAA) a perde su trabou pasobra intimidacion sexual. 

E autoridad a dicidi di termina su contracto laboral sin dun’e un compensacion. E caso a sali dilanti corte. Hues a dicta na fabor di AAA como cu e ta haya tin suficiente prueba di e mal conducta di e manager.

A base di un rapport di ‘whistleblower’ AAA a dicidi di kita e manager. Nan a investiga e caso despues un keho entrega contra e manager y asina a yega na e rapport na 2016. Despues di e keho aki e autoridad a dicidi di organisa sesionnan di training pa su personal riba intimidacion inapropia y sexual.

Pero e acusado a continua. 11 di maart 2017 tabatin un incidente den e cantina di AAA unda un trahado temporal a bira victima di su intimidacion sexual. Di patras el a hole su cabey, y ora e victima a bira, el a purba di dun’e un sunchi. E victima e ora a bira su cara bek pero e manager no a stop. El a cuminsa masseer su nek y schoudernan. Dado momento su mannan tabata cerca di su pechonan y e ora e victima a dicidi di lanta bay. El a entrega un keho despues.

Den su defensa, e manager a bisa den corte cu el a dicidi di masseer e trahado riba su iniciativa pasobra e tabata keha di dolor den su nek y schoudernan. Y asina su mannan a yega cerca di su pechonan. Sinembargo AAA a nenga cu esaki a pasa. Banda di esey e manager a admiti cu el a duna e trahado un sunchi riba su cabes.

Asina hues a haya cu e manager ta culpabel di intimidacion sexual. Tambe pa motibo cu e manager ya a ricibi advertencianan. Y como cu e tabata manager e mester duna e ehempel y el a haci abuso di su posicion. Corte a dicidi cu AAA por termina su contracto laboral sin mester paga compensacion y cu e manager mester paga tur gasto di e procedura legal.

You May Also Like

Van Trigt: ‘Sin dokter di cas, gasto di cuido medico lo ta haltisimo’

Hopi biaha por scucha e keho for di comunidad riba e sistema di dokter ...

Rio 2016

Team olimpico di Aruba cla pa ceremonia di apertura Rio 2016

Ta falta tiki pa e ceremonia di apertura di e Weganan Olimpico 2016 na ...

image.jpeg

Alto Comisario a controla pickup cu 7 stranhero aden y 1 ilegal

  Diaranson atardi Comisario di Polis coriendo den area di Cas Paloma a tuma ...

inauguracion faro.jpg

E Faro a keda inaugura

Despues di un trabou di renobacion di casi un aña a inaugura E Faro ...

DSC_9464 (Custom).jpg

Crecemento record di mas cu 20% compara cu aña pasa

Diasabra awor dia 30 di juli lo despedi di studiantenan biahando pa Hulanda pa sigui ...