Aeropuerto: U.S. CBP cu proyecto piloto di Facial Biometrics Entry

U.S. Customs and Border Protection (U.S. CBP) a duna inicio na e proyecto piloto di Facial Biometrics Entry na Aeropuerto Internacional Reina Beatrix. Esaki lo uza tecnologia di reconocimento biometrico di cara pa verifica e identidadnan di e biaheronan cu ta bay bek pa Merca for di Aruba. Esaki ta segun e relato cu nos a ricibi.

Despues di e implementacion exitoso pa U.S. CBP di e proyecto piloto di reconocemento biometrico na diferente aeropuerto Mericano, U.S. CBP a scoge aeropuerto di Aruba como e prome aeropuerto pafo di Merca pa haci e test di e tecnologia di reconocimento biometrico facial. Mescos cu e implementacionnan anterior di e tecnologia aki, pasaheronan ta ansioso pa participa den U.S. CBP su proceso di entrada/salida innovativo. E proyecto piloto aki lo wordo getest cu pasaheronan riba e vuelo di Delta pa John F. Kennedy International Airport, cu ta opera diariamente.

“Nos ta hopi contento cu U.S. CBP a scoge pa haci e proyecto piloto di e tecnologia aki na Aeropuerto di Aruba. Nos a haci uzo di e tecnologia aki e ultimo añanan na diferente punto di control di frontera na aeropuerto, y e proyecto piloto aki lo ta instrumental pa hiba nos aeropuerto na e siguiente nivel di siguridad y servicio na e pasahero; y pone nos riba e rumbo pa bira un di e miho aeropuertonan cu ta ofrece U.S. pre-clearance.

Nos experiencia cu e sistema biometrico tabata hopi exitoso den pasado y nos ta ansioso pa por traha den colaboracion cu U.S. CBP riba e proyecto piloto, y nos ta spera cu nan lo ta exitoso den implementa e tecnologia aki den su totalidad,” asina director di Aruba Airport Authority James Fazio a bisa.

 

 

You May Also Like

Campaña nobo pa protege nos beachnan y duinnan

Ayera  un aliansa nobo entre ATA, Ahata,  cuerpo policial (KPA) y Blue Blocks Aruba ...

FTA kier atende cu problemanan di trahadonan di TeleAruba prome

Presidente di sindicato FTA, Hubert Dirksz ta declara na Bon Dia Aruba cu despues ...

Sondeo di siguridad di remedi

 Recientemente Inspeccion di Salud Aruba (IVA) a presenta e resultadonan di e rapport di ...

DTP lo mester conoce maneho nobo

Segun minister di transporte publico, Chris Romero (MEP), mester bin cu un restructuracion den ...

Procedura pa cana si no ta di acuerdo cu multa di polis den trafico

Ultimamente un ciudadano a acudi na Bon Dia relaciona cu polis cu ta duna ...

image.jpeg

Dos homber arma a drenta Peking restaurant pa atraca Y bay man bashi

Dialuna prome cu 11 or di anochi dos homber color scur a drenta Peking ...