‘Mas espacio pa Aruba traha riba plan pa yega presupuesto balansa’

Prome Minister, Evelyn Wever-Croes,

Prome Minister, Evelyn Wever-Croes, minister di Financia,  Xiomara Ruiz-Maduro y minister Plenipotenciario, Guillfred Besaril a reuni awe mainta cu secretario di Reino Hulandes, Raymond Knops na Bestuurskantoor.

 Enfasis di e bishita di secretario Knops primeramente ta pa cera conoci cu gobierno nobo di Aruba. Pero tambe pa ta a tanto di e situacion financiero di nos pais, asina gobierno ta informa den un relato. Prome Minister Wever-Croes a duna di conoce cu e reunion aki tabata di suma importancia pa nos pais na unda a informa secretario Knops riba e situacion financiero real di nos pais. Tambe gobierno a informa con leu ta cu e plannan pa trece Aruba bek riba e trayectorio con pa yega na un presupuesto sostenibel y saludabel. Un presupuesto sin deficit sino cu surplus.

Hulanda a concede Aruba mas espacio pa prepara e plan pa yega na presupuesto balansa pasobra gobierno kier cumpli cu palabracion nan haci y bay na un Aruba cu un situacion financiero sano sin deficit teniendo espacio tambe pa haci inversionnan. Aruba a sinti e resulta pa via cu inversion den cuido social ta wordo neglisha cu e morto di dos criatura, y esaki gobierno no kier pa bolbe pasa. “Nos a mira inversionnan di e gobierno anterior cu a inverti den caretera mas tanto. Pero awo ta falta di inversionnan den e ser humano, den enseñansa, den salubridad entre otro. Esaki ta un tema tambe cu a capta atencion di secretario di Reino na unda cu Gobierno a mustra cu ta trahando riba un plan di crisis social.”

Gobierno a informa sr. Knops tambe con a enkontra gobernacion. “E forma con no tabata tin un traspaso na unda cu ‘basicamente a wordo sabotia pa cuminsa traha y con tur dia ainda gobierno ta hayando sorpresa nan di decision nan inadecua cu gobierno anterior a tuma.” Riba esaki, prome minister a informa sr. Knops cu gobierno lo percura pa den futuro esaki no pasa mas den un traspaso di gobierno, na unda lo introduci reglanan y protocolnan pa asina e traspaso bay den un forma ordena. E crisis di e situacion di Venezuela tambe tabata un tema cu a haya atencion den reunion cu secretario Knops cu a conduci na e tema di preocupacion cu tambe a wordo trata ta si den e caso cu bin un crisis na Venezuela y hopi hende sali y kier yega Aruba, lo bira algo cu Aruba so lo no por carga na unda Reino lo mester saca un man pa yuda. Y si no atende cu e tema aki apropiadamente, e lo refleha malo pa henter Reino.

Prome minister a informa tambe cu Aruba kier mantene un bon relacion den Reino a base di madurez y respet mutuo na unda cu nos mes lo atende cu nos asunto y problemanan y percura pa nos tin solucionnan structural y unda cu di berdad tin mester, nos lo acudi na Hulanda pa ayudo.

Prome minister a enfatisa cerca sr. Knops cu Gobierno aki ta un gobierno nobo cu vision nobo y lo kier concentra riba dos pilar importante. “Nos kier un financia publico saludabel y na ordo. Nos kier bon gobernacion, di ordo y respet pa asina nos pone e ser humano central.”

 

 

You May Also Like

Serlimar sushi cliente.jpg

Serlimar ta flexibel pa areglo di pago pa servicio di recoge sushi​

Aunke e clientenan di Serlimar ta pagando keto bay pa e servicio cu nan ...

Tur lista pa eleccion 2017 ta conoci

Durante henter dia di awe a tuma luga entregamento di lista di tur partido ...

13Jun, JO, Arma.jpg

John Larmonie, KPA: ‘Tiramento masivo tambe por cuminsa pasa na Aruba’

Diadomingo ultimo a sosode un incidente cual ta wordo mira manera e tiramento di ...

directiva fund limitacion.jpg

Apesar cu tin candidatonan local cualifica Ainda fundacion SVGA no tin director

Cuater luna pasa, sr. Arturo “Tuyo” Werleman a baha como director di Fundacion Pa ...

25mei, NW, AZV DESPA.jpg

Prome estudio haci pa AZV y DESPA: Pashentnan a duna diferente señal di ta insatisfecho cu cierto oficina di dokter di cas

Algemene Ziektekosten Verzekering (AZV) a ricibi varios señal di insatisfecho of disgusto di pashentnan ...