Agricultornan principalmente di region di Friesland ta na caminda cu nan tractornan pa Den Haag pa asina protesta contra e maneho di CO2 di gobierno Hulandes, den cual nan ta sinti como e ‘dupe’. Minister di Husticia Ferd Grapperhaus mientrastanto a laga defensa cera e caminda pa Binnenhof, unda e politiconan ta sinta.

Segun e mandatario nan ta suficientemente prepara pa e accion di protesta mañan. “Tin un bon coordinacion entre e autoridadnan di gobierno local di Den Haag y cu otro parti den nos pais”, e minister a declara. Tambe a pone defensa yuda e gemeente blokia camindanan.

Farmers Defense Force no sa cuanto agricultor lo aparece awe na e protestanan, pero nan vocero a indica cu un tiki misterio, manera biaha pasa, tambe ta positivo. “Nos mester warda y wak. Biaha pasa tabatin hopi mas agricultor di loke nos a spera. Lo ta bon si e biaha aki ta mescos”, vocero Micha Bouwer a bisa.

 

LEAVE A REPLY

Please enter your comment!
Please enter your name here