The Hague, the Netherlands -October 16 2019: mass farmer protest in The Hague against reducing of livestock numbers and stricter environmental laws on C02 and nitrogen emissions

Agricultornan a bolbe organisa un serie di protestanan na Hulanda den weekend contra gobierno Hulandes su plannan pa limita polucion di nitrogeno.

Docenanan di tractornan a blokia camindanan A32 y A7 na Heerenveen, Friesland riba diadomingo pa varios ora prime cu a move pa un centro di distribucion di supermercado den e region.

Tabatin un cantidad di activista cu tabata bisti como personahe di blackface Zwarte Piet pa rasonnan cu no ta cla, asina Omroep Fryslân a raporta.

Un cantidad di 30 agricultor a blokia acceso na camindanan pa aeropuerto di Eindhoven cu vehiculonan agricultor te anochi laat, aunke aeropuerto a bisa cu disrupcion di trafico tabata minimo. Otro gruponan a horta na centronan di distribucion di supermercado den Gelderland, Overijssel y Drenthe.

E agricultornan ta rabia cu plannan anuncia siman pasa pa minister di agricultura Carola Schouten pa restringi e cantidad di proteina cu ta duna bestianan di cria pa asina baha emisionnan di nitrogeno den medio ambiente.

Desde prome di september agricultornan lo por haya un boet di 2.500 euro si nan sobrepasa e cantidad di proteina den e cuminda. E industria ta di acuerdo cu mester baha nivelnan di proteina pero no ta di acuerdo cu e cantidad proponi y tampoco cu e maneranan cu lo enforsa e medidanan.

Gobierno a pone un target pa reduci produccion di amoniak cu 200 tonelada, cual Schouten a bisa lo haci construccion di 75 mil casnan nobo posibel. Raad van State den mei ultimo a rekiri pa gobierno limita emision di nitrogeno oxido por medio di medidanan mas estricto pa sectornan di agricultura, transporte y construccion.

LEAVE A REPLY

Please enter your comment!
Please enter your name here