Aruba Hotel and Tourism Association (AHATA) a colabora cu DIMAS pa organiza sesion educativo pa miembronan di e asociacion, durante cual DIMAS a introduci nan portal digital nobo pa aplica pa permiso di trabao.

Durante dos siman a ofrece 6 sesion practico na La Cabana Beach Resort pa duna e companianan oportunidad di integra den e portal y usa e proceso digital.

E meta di e sesion practico tabata pa a guia e personanan di departamentonan di recurso humano cu ta encarga cu permiso di e compania su empleadonan y duna un splicacion amplio riba e proceso nobo.

AHATA ta aprecia e colaboracion cu DIMAS y e departamento gubernamental su progreso den eficiencia di nan proceso.