‘Ainda e Arubiano colonisa ta hari riba e idea di medicina natural’

Segun psicologo Dimitri Halley, nos a wordo indoctrina como ser humano asina profundo cu medicina kimico y esaki ta reflehando su mes den e problemanan cu nos ta mirando recientemente. Manera e problema rond e desaroyo di e tema di cannabis na Aruba segun e psicologo, e filosofia (herbology) su tras no ta wordo splica anto esaki ta trece hopi confusion.

“E filosofia y medicina natural te awe e Arubiano colonisa ta hari riba e ideanan aki”, segun sr. Halley. E psicologo ta bisa nos por ehempel cu e tin un conoci di dje cu tambe ta un profesional cu ta trata entre otro cu personanan cu adiccion, anto e no ta mira e tema cu e mesun perspectiva. Halley: “Mester bay un proceso di splica kico ta remedi di tera. Esaki no ta wordo splica. Medicina kimico por ehempel ta destrui bo curpa completo den comparacion cu cuminda y medicina natural, cual ta un proceso cu ta traha for di paden bin afo. E ta algo spiritual.”

Proposito
E psicologo ta bisa cu si mester analisa e cultura indigena, ta papia di un comunicacion cu naturalesa y cu un proposito hopi mas grandi cu djis ‘huma y bira halto’ den caso di uzo di cannabis, of asina yama marihuana.

Locual a bay fout den esaki – principalmente den paisnan moderno manera Merca etc. ta cu tur cos a cuminsa wordo uza manera un forma di escape, segun sr. Halley. “Tin un manera bon pa uz’e pero bo mester compronde kico ta medicina natural. Anto claro cannabis ta un di e matanan di mas poderoso na e planeta. Den su profundidad, e mata ta un spirito bibo anto si bo uz’e malo e por pompa bo tambe”, sr. Halley ta bisa. Ora e hendenan di cultura indigena tabata haci nan ritualnan por ehempel, nan tabata bay den un preparacion completo pa comunica cu algo mas leu di nan. Nan tabata bay den un tipo di ‘trance’ pa asina por a haci algun trabaonan di sanacion por ehempel. Awendia esey ta reemplasa por medio di e uzo di general anestesia na hospitalnan. E psicologo ta recorda cu e uzo di cannabis den e caso aki tabata tin su proposito su tras.

Psicologo Dimitri Halley

No ta recreativo
“E palabra recreativo of cu ta uza cannabis na un manera recreativo ta un insulto pa e mata. Esaki ta trata di ‘deep spirituality’ y medicina profundo, e no ta recreativo. Tin hopi fout eynan cu a wordo haci. E cos aki ta algo sagrado y hasta pa bende pa beneficionan di salud ta fout como cu bo ta prostituta un mata sagrado cu lo mester hiba bo den un nivel mas sagrado di bo mes. Bo no ta hacie djis pa algun beneficio y ya”, segun sr. Halley.

Origen indigena
Nos tin cu bay bek den locual ta conexion di nos cultura indigena segun e psicologo ta expresa, anto akinan e ta bisa e esencia di e problema ta. “Bayendo bek pa purba di compronde con nos antepasadonan tabata pensa, asina so nos por compronde profundamente atrobe kico ta medicina natural/herbal y cuminda cu naturalesa. Tur cos kimico ta un rape di bo sistema neurologico. E natural ta pone bo curpa mes crea e efecto di sanacion.”

Ta haci falta di conscientisacion por ehempel riba e parti di e ‘cannabinoid/endocannabinoid system’, cual cientificamente tin varios informacion riba dje con esaki ta biologicamente hinca den otro pa locual ta e curpa/genetica humano. “Mucho hende ta bula riba e cos ki djis pasobra ta pensa cu e ta ‘the next thing.’ E sistema di cannabinoid por ehempel ta basicamente yuda (trigger) bo sistema mes pa traha. P’esey e curpa tin un sistema receptivo den dje caba, e no ta kimico. E kimiconan ta ‘override’ bo sistema te hasta cambia bo DNA pa bo mientras medicina natural ta coopera cu bo mesun sistema natural”, sr. Halley ta bisa.

Ora cu studia e cultura indigena, ta conoci cu e matanan tabata den un manera of otro comunica na e hendenan con pa traha y asina nan por a haya sa cua mata pa uza pa cierto malesa y cua no. Halley: “Ta haci falta di e tipo di comunicacion aki y no ta djis cu cannabis. Nos tin hasta nos cadushinan por ehempel cu propiedadnan medicinal mas poderoso cu cannabis mes. Ta haci falta di e tipo di analisis y comprension cu e conexion aki cu naturalesa.”

You May Also Like

tiramento Olde Molen

Sospechoso tiramento Olde Molen: conocido di polis

Bon Dia a ricibi informacion cu e sospechoso cu a tira e dos bouncer di ...

‘Tin hopi reto cu Green Corridor y Watty Vos Boulevard’

Segun minister di Infrastructura Otmar Oduber (POR), tin hopi reto lamentablemente cu e desaroyo ...

IMG-20150917-WA0003.jpg

Problema di parkeer cu trahadonan di Renaissance resolvi

ORANJESTAD – Trahadonan y gerencia di Renaissance a haya otro hunto cu minister di ...

persona indocumenta (1).jpg

Dos persona sin documento haya durante control di trafico

Diaranson mainta un patruya di playa a para un truck y a bay control’e, ...

12006154_1647794732127122_6149851015550058647_n.jpg

Gianni’s Celebrando 26 aña

Awe nos di Gianni’s Nutrition ta CELEBRANDO 26 AÑA di existencia! Nos kier a ...

Tur bendedo cu kier participa na Island Festival por inscribi awo

ORANJESTAD – E industria di Turismo ta esun di mas importante pa pais Aruba, ...