Alcalde di Amsterdam kier implenta un prohibion riba coffeeshop cu lo prohibi benta pa turista

(NLTimes) – Alcalde di Amsterdam tin plan pa implementa un prohibicion na Coffeeshop tocante benta di marihuana na turistanan den e ciudad, el a bisa den un carta dirigi na e Conseho di e ciudad.

Segun su persona, e implementacion di e criterio di ‘solamente residente’ ta necesario pa e municipalidad por controla e mercado di coffeeshop y inseparabel di cualkier relahacion di e politica di cannabis, manera cultivacion regula, segun Het Parool a reporta.

Mas di 3 miyon turista ta bishita coffeeshop na Hulanda tur aña. Nan a haci e capital su mercado di cannabis incontrolablemente grandi y un portal pa crimen serio, Halem a bisa. “Tin un interdependencia preocupante entre e intercambio di droganan fuerte y leve. Placa di e mercado di cannabis facilmente ta haya su caminda pa yega na droganan mas fuerte,” e alcalde a skirbi.

Conhuntamente cu su carta na e conseho di e ciudad riba dialuna, Halsema a publica investigacion cientifico den e criterio di ‘residentenan so’, den cual coffeeshop por bende cannabis solamente na personanan cu ta registra na Hulanda. Investigadnan di Bureau Breuer & Intraval a adverti cu e criterio lo tin consecuencia financiero fuerte pa coffeeshopnan na Amsterdam, specialmente den e centro di e ciudad unda huur ta halto. Investigacion anteriormente ta demostra cu mas o menos 66 coffeeshop ta suficiente pa cumpli cu e demanda local. Amsterdam actualmente tin 166 coffeeshop. E investigadornan, ta premira cu si implementa e criterio aki, hopi lo bay den bancarota, mientras cu otronan lo sigui bende pa turista pa asina por cubri nan gastonan.

Tambe nan a bisa cu e consecuencia pa benta riba caya no ta sigur. Nan ta premira cu e personanan cu actualmente ta bende “fake dope” of droganan mas fuerte awo lo expande nan oferta cu droga leve di bon calidad. Algun turista, tambe lo referi na e dealernan aki pa cumpra cannabis, sinembargo no por calcula cuanto.

Apesar di tur esaki, Amsterdam Police and Public Prosecution Service ta convenci cu e criterio aki ta “e miho medida temporario cu por haci e mercado di cannabis mas manehabel,” Halsema a bisa. Segun Het Parool, e alcalde mester enfrenta cu D66, GroenLinks, Bij1 y DENK, kendenan tur ta firmemente contra di un implementacion di e criterio aki. PvdA lo sostene solamente si e municipalidad por garantisa un bon control riba e mercado riba caya.