(CNET) – Amazon a baha e cantidad di tempo cu nan empleado na Merca mester keda den isolacion si nan test positivo pa COVID-19, e compania a bisa riba diabierna den un nota manda na tur empleado.
The Wall Street Journal a reporta e noticia, cual un representante di Amazon a confirma na CNET.
Empleadonan lo por bolbe bek trabao despues di 7 dia den isolacion, e gigante den comercio online a bisa den e nota di empleadonan. Esaki a baha for di e 10 dianan anterior, y ta bini despues cu Merca su Centers for Disease Control and Prevention tambe a reduci e cantidad di tempo recomenda pa keda den cuarentena na 5 dia. Empeladonan di Amazon cu test positivo tambe lo ricibi te cu 40 ora di AO.
Den linea cu Centers for Disease Control and Prevention su protocol, empleadonan cu no mester mustra un test negativo di COVID-19 pa bolbe bek trabao segun The Wall Street Journal. E pais su di dos dunado di trabao mas grandi, Amazon, tin casi un miyon empleado na Merca, The Wall Street Journal a nota.
E paso aki ta bini mirando cu e variante Omicron ta sigui plama rapidamente. Riba dialuna, Merca a reporta mas di 1 miyon caso nobo di COVID, y infeccionnan y hospitalisacionnan te ainda ta sigui aumenta. Varios compania grandi di tecnologia, manera T-Mobile y Meta, a disminui nan plan e aña aki, pa loke ta trata nan participacion na e aña aki su conferencia CES, y eventonan grandi manera Grammys y Sundance Film Festival a sea pospone nan ceremonia of lo transiciona na un show completamente virtual.
