(AP) – Sidney Poitier, e gran actor y inspiracion cu a transforma con hendenan di color scur ta representa y ilustra den television, y a bira e prome actor di color scur cu a gana un Academy Award pa Best Lead Performance a fayece cu 94 aña di edad.

Poitier, ganador di Best Actor Oscar den aña 1964 pa su actuacion den “Lillies of the Field,” a fayece diahuebs den su cas na Los Angeles, segun Latrae Rahming, director di communicacion pa e Prome Minister di Bahamas. Su gran amigo Harry Belafonte a publica un declaracion diabierna, recordando momentonan extraordinario cu nan a bida hunto.

“Pa mas di 80 aña, Sidney y ami a hari, yora, y pasa den mas aventura cu tabata posibel,” el a skirbi. “Berdaderamente e tabata un ruman homber, y un partner den purba di haci e mundo aki un miho luga. Ciertamente, el a haci dimi hopi mas miho.”

Poco actornan tabatin un influencia asina grandi ambos riba y fuera di escena. Prome cu Poitier, yiu di dos agricultor di Bahamas, ningun actor color scur a sostene un carera como parti di e personahenan principal, ni por a logra produci un pelicula basa riba su fama. Prome cu Poitier, poco actornan color scur tabata permiti un break di interpreta e personahe comun di persona di servicio of comediante. Prome cu Poitier, trahadonan di pelicula na Hollywood raramente a purba conta e storia di un persona color scur.

Mensahenan dunando honor y pesame relaciona cu Poitier a cuminsa plama riba rednan social, cu gran actor y ganador di Oscar Morgan Freeman publicando cu Poitier tabata “mi inspiracion, mi guia, mi amigo” y Oprah Winfrey elogiando Poitier, bisando e tabata “Amigo. Ruman. Confidente. Maestro di conocemento.” Ex president Barack Obama a cita su logronan y con ela revela “e gran poder cu peliculanan tin di uni nos tur.”

Poitier su fama a bini cu cambionan profundo den e pais den e añanan 1950 y 1960. Actitudnan basa riba rasa a evoluciona durante e era di derechonan civil y leynan di separacion a ser desafia y a cay, Poitier tabata e actor cu e industria cauteloso a usa pa storianan di progreso.

“Na tur e trahadonan di pelicula cu a caba di drenta e industria, mi ta yena di orguyo cu boso ta aki. Mi ta sigur, cu como mi persona, boso a descubri cu e nunca tabata imposibel, e tabata solamente mas dificil,” el a bisa den aña 1992, ora cu el a acepta e premio di Lifetime Achievement di parti di American Film Institute.

“Bon bini, hobennan color scur. Nos cu a cana e caminda aki prome cu boso, ta mira patras cu satisfaccion y ta laga boso cu un tarea simpel, cual nos ta confia cu boso lo cumpli: Sea bo mes, y sea util den e biahe.”

LEAVE A REPLY

Please enter your comment!
Please enter your name here