Ambtenaar castiga pa soborno cu prueba di naturalisacion

Ambtenaar M.L.C. a haya un multa y servicio di comunidad pa motibo di soborno. El a falsifica resultadonan di examen Hulandes den cuadro di prueba di naturalisacion, en cambio di placa.

Esaki Ministerio Publico (OM) ta informa. E ambtenaar tabata traha na Examenbureau di Departamento di Enseñanza di Aruba. E soborno a tuma luga na 2012. “El a pidi y a ricibi regalonan (monetario) di participantenan na e test di idioma, en cambio pa e falsifica nan resultadonan di examen. E investigacion a mustra alabes cu M.L.C. tabatin probecho ilegal for di e echonan castigabel aki”, segun OM. C. a wordo kita di trabao.

Segun OM Departamento di Enseñanza di Aruba a tuma medidanan pa evita e tipo di fraude aki den futuro mas tanto posibel. “For di e investigacion no a resulta, cu e fraude cu a keda constata, lo a hiba na stranheronan cu a haya nacionalidad Hulandes inhustamente.”

Stranheronan cu ta desea di haya nacionalidad Hulandes, mester haal e prueba di naturalisa (naturalisatietoets). E test ta wordo haci y examina pa e Examenbureau. E ta consisti di varios parti, bao di cual un testnan obligatorio di Hulandes.

You May Also Like

Economia su recurso mas valioso ta atencion humano

Den cualkier economia, e recurso mas valioso ta atencion humano. Mas sinembargo, smartphone nan a ...

Ex minister di Husticia no sa con por a detene Marko Espinoza basa riba proces-verbaal

E ex minister di Husticia y actual parlamentario, Arthur Dowers (AVP) ta considera como ...

Despues di 25 aña: 33 truck militar nobo pa marina

Mester a warda 25 aña pa Commando Zeemacht in het Caribisch gebied (CZMCARIB) haya ...

Inspeccion di Salud Aruba (IVA) a tuma accion na centro di estetica

Recientemente Inspeccion di Salud Aruba (IVA) hunto cu otro departamentonan di Gobierno a haci ...