Mas o menos 24 obra di arte cu tabata colga den e hospital Slotervaart prome cu el a bati bancarota na october 2018a disparce y probablemente a ser horta, esaki ta locual e funcionarionan di e conseho di Amsterdam a bisa.
Un total di 28 pintura y escultura propiedad di e ciudad a wordo presta na e hospital pa añanan, pero solamente 14 di nan a wordo haya. Autoridadnan awo a entrega un keho formal tocante e articulonan cu ta falta, pero nan no a duna mas detaye tocante loke realmente a ser horta. E coleccion total di e hospital na e momento cu nan a bati bancarota tabata 195 piesa, incluyendo 14 articulo cu a wordo presta pa e ciudad. E ciudad ta spera cu dunado un rapport formal di e robo cu esaki lo ser alerta si cualkier di e piesanan aki mester ser bendi den un auction. E artenan cu ta pertenece na e hospital awo ta ser evalua pa expertonan pa asina dicidi kico lo ser bendi y kico lo keda cune. E coleccion ta inclui un par di glas di muraya crea pa Karel Appel y describi pa expertonan como “ importante, monumental y unico”.
