ORANJESTAD – Nos ta sigui cana positivamente hunto y nos ta sinti cu nos ta riba e bon caminda. Nos kier a informa cu nos di Comision di Maestronan Preocupa a reuni cu Minister di Husticia.
Nos a haya e grato placer di tin e presencia inespera di minister di Enseñansa tambe den e reunion.
Un reunion cu a bay den bon ambiente y cu respet pa nos Comision di Maestronan Preocupa. A trece diferente punto di atencion dilanti unda cu minister di Husticia por yuda cu siguridad di maestronan na scol. A splica minister di Husticia cu nos sa cu tin documentonan existente pero cu no a wordo ehecuta y cu no ta na bienestar di e maestronan. Nos por a dialoga hopi bon cu otro y nos a sinti cu nos a wordo scucha. Nos a mustra ambos minister e seriedad y cu e problemanan ta escalando unda nos como maestronan no ta sinti nos mes sigur mas.
Nos kier cambia e imagen negativo cu tin di nos den pueblo. Nos kier logra esaki door di informa e pueblo kico tur ta encera e trabao real di nos maestronan. Tambe nos a pone enfasis pa ora ta traha riba x proyectonan pa involucra e maestronan den veld.
“Samen zijn we sterk”. E unico meta di Comision di Maestronan Preocupa ta: e maestro!
Nos lo sigui informa boso di cada paso cu nos lo tuma.
Nos kier invita boso un biaha mas pa comparti cu nos boso ideanan, punto nan di atencion y tambe preocupacion. Nos facebook page ta derecho di maestro Aruba.
Si nos no bringa pa nos derechonan ken lo haci esaki pa nos??
