Recientemente e campaigna di Bushiri Karting Speedway ta uno exitoso. Na 2018 Bushiri Karting Speedway a afilia su mes na e Sodi World Series, aki ta unda cu mester a organisa careda tur fin di luna pa asina por manda e ganado absoluto di e SWS ‘Aruba Sprint Cup’ cu ta e Mundial di Rental Karts, di cual esaki a keda den man di Andre Tromp cu awo ta na Italia y ta dunando hopi bon resultado!
Aki por mira Andre Tromp riba podium cu e bandera di Aruba.
Ganado absoluto di e evento mundial aki lo bay hunto cu e team di Sodi pa competi den e Rotax Max cu ta e mundial di karting di e nivel mas halto den karting profesional.
Tur hende na Aruba por tin e oportunidad aki, djis bin competi den e Aruba Sprint Cup cu nos ta organisa tur fin di luna y e ganado absoluto di e aña 2019 Bushiri Karting lo patrocina pa bay e Mundial 2020 di Sodi. Esaki ta segun e fuente Sports Zone Aruba.
