Un trein di pasahero a dal den otro trein di carga na un stacion sur di Pakistan. E accident a mata 20 persona y 74 otro a sali herida, funcionario di hospital a bisa.

E trein di carga tabata para na momento cu e trein di pasahero, pa motibo di velocidad halto, a dal den dje, na e stacion di trein Walhar na Rahim Yar Khan, den e provincial oriental di Punjab.

Jamil Ahmed, un trahado di gobierno, a informa cu hospital a declara den emergencia. Algun di e 74 persona herida ta den estado critico, segun Javed Ahmed, kende ta un dokter cu ta atende cu e victimanan di e accidente.

Prome Minister, Imram Khan, a ordena autoridad cu ta brinda e miho atencion medico posibel na e victima, agregando cu ta tristo pa e noticia. Khan a duna orden na Minister di Transporte di Trein, Sheikh Rashid Ahmad, pa tuma medida di emergencia pa traha despues di decada di negligencia na infrastructura di trein, y asina garantisa siguridad.

Autoridad a bisa cu militar di Pakistan tambe ta participando pa yuda den esfuerso di rescate. Accident di trein na Pakistan ta comun, esaki pa motibo di infrastructura y negligencia oficial.

 

LEAVE A REPLY

Please enter your comment!
Please enter your name here