(Infobae) – Scandal cu ta rondia Gobierno di Gustavo Petro no ta stop for di dia cu su ex-hefe di Gobierno, Laura Sarabia a keda envolvi den un caso sospechoso di tapgesprek ilegal y posibel secuestro di su babysitter, Marelbys Meza. E biaha aki e movemento internacional di activistanan cibernetico Anonymous a publica un mensahe pa e pais.
E grupo internacional di hacker anonimo, conoci pa revela informacion confidencial y di caracter priva, a causa conmocion riba Twitter na momento cu for di un cuenta a tag e presidente Colombiano hunto cu e frase “Tur cos ta bon na cas?” E reaccionnan na e prome publicacion aki a cuminsa y varios usuario di e red social aki no a duda di contesta na e grupo incognito.
Den un intercambio di mensahe minuutnan despues, e grupo a publica un comunicado oficial bisando lo siguiente: “Pa hopi aña, for di e banda aki nos a mira e situacion dificil den cual Colombia ta atravesando. Nos como un colectivo enfoca riba e lucha di America, nos a lucha y apoya diferente causa.”
“Colombia ta un pais maltrata pa violencia, corupcion y indiferencia di su gobierno, un gobierno pio of igual cu esun anterior.”
Na final di e documento, e grupo anonimo di hacker a ataca e prome mandatario y a lansa un menasa directo contra dje: “E politiconan ta m&%#$… sin importa di ki banda nan ta y e presidente actual Petro, ademas di problemanan cu alcohol, homber y actitud arogante, a keda eligi di manera corupto; cuenta, combersacionnan y otro elementonan clave ta bay sali,” a skirbi den e cuenta.
Pa finalisa, e cuenta di hackernan a haci su ultimo aparicion colocando un holoshi di santo y e bandera di Colombia, acompaña di e imagen conoci cu ta representa nan, un mascara blanco hariendo.
Aunke e prome mandatario no a pronuncia riba esaki, ayera el a skirbi cu su gobierno no a participa den accionnan cu ta bay contra ley.
