Un señora den su cas na Sabana Basora a keda sorprendi diadomingo anochi ora cu desconocinan a kibra drenta den su cas y ataca su persona. Nan a busca cos di horta y a maltrata e ciudadano den su cas y bandona e sitio na pia. Polisnan a yega di biaha na e sitio y a cuminsa cu un buskeda rond. Patras di e cas scondi a haya un scooter posibelmente horta y a tuma esaki den beslag unda cu posibelmente ladronnan a laga esaki atras. Recherche a keda notifica pa presenta na e sitio pa haci nan investigacion.
