Diabierna ultimo 17 di juni Ministerio Publico a manda un comunicado na tur medio di comunicacion unda nan a informa cu un persona di 52 aña di edad a keda deteni relacion cu un investigacion di Jeugd en Zeden Politie (JZP).

E caso aki a causa conmocion den comunidad di Aruba pa motibo cu e persona envolvi tabata un cantante conoci cu tabata wordo sospecha di abuso sexual.

Ayera mainta a drenta noticia cu e persona aki a dicidi di caba cu bida den e luga unda e tabata deteni for di diabierna, Warda di Shaba ubica na districto di Noord.

Segun un comunicado di Cuerpo di Polis di Aruba, nan a informa cu ayera diadomingo 19 di juni 2022 pa 11:30 di mainta Polis di na Warda di Polis Noord ta informa Central di Polis cu un preso lo a pone fin na su bida.

Manera cu e informe a drenta Central di Polis ta despacha ambulance cu maximo urgencia pa Warda di Polis Noord.

Na yegada di personal di ambulance no por a haci nada mas pa cu e persona.

Pa 1:05pm Dr. Texier ta constata morto di e persona cu nomber Antoni Gario di 52 aña. Cuerpo di Landsrecherche Aruba tin e caso aki bao investigacion.

LEAVE A REPLY

Please enter your comment!
Please enter your name here