(NLTimes) – Joran van der Sloot lo temporariamente ser extradita pa Merca. Corte na Peru a tuma decision contra e Hulandes di 35 aña ora cu el a apela e extradicion. E lo ser otorga na FBI di Merca awe segun loke RTL Nieuws a reporta.
Van der Sloot ta cumpliendo un sentencia di 28 aña den prizon na Peru pa e asesinato di e hoben di 21 aña Stepahny Flores den aña 2018 y otro sentencia di 18 aña pa trafico di droga.
Na Merca, e ta busca pa motibo cu el a extorciona e mayornan di Natalee Holoway, e hoben Mericano cu a disparce na Aruba despues di a ser mira cu Van der Sloot. Van der Sloot ta e sospechoso principal pa motibo cu e ta e ultimo persona cu tabata cune despues cu nan a sali di un bar.
Segun autoridadnan Mericano, Van der Sloot a haya mas di 25,000 dollar na Holloway su famia den aña 2010 net prome cu el a bay Peru, cu promesanan falso di bisa e famia unda e hoben su curpa ta.
Despues di su huicio na Merca, Van der Sloot lo bolbe back Peru pa cumpli cu e resto di su sentencia na Peru.
