Diabierna anochi, Minister Xiomara Maduro tabata na apertura di Arupro Tunita su centro di reciclahe pa plastic y tambe showroom di varios producto eco-friendly.

Segun un comunicado di prensa, dentro di poco pueblo tin e oportunidad pa entrega tur plastic na Arupro pa asina nan wordo recicla y transforma den azeta pa briya taira di auto. Di e manera aki Arupro ta brinda Pueblo e oportunidad pa yuda tene nos Pais limpi y evita cu plastic ta keda haci daño na nos medio ambiente.

Arupro ta ofrece e oportunidad tambe pa trece boter di plastic bashi pa nan wordo yena cu productonan di Arupro na un prijs hopi economico. Di e manera aki Arupro kier aporta tambe na e economia familiar na unda ta yuda cu productonan di bon calidad na prijs economico.

Maduro ta felicita y gradici sr. Andy Hernandes y full famia y trahadonan di Arupro pa e bunita proyecto aki. “Nos ta contento di mira cu San Nicolaas por conta cu otro proyecto comercial importante cu a keda anuncia den e San Nicolaas Business Summit di San Nicolaas Business Association algun siman atras.”

LEAVE A REPLY

Please enter your comment!
Please enter your name here