Si bo tin un pushi cerca, tuma un momento pa studia su cara. E tin un expresion positivo of negativo? Si bo ta haya imposibel pa contesta, e ora bo no ta un ‘cat whisperer’. No worry, mayoria di hende no ta.

Investigadonan di Universidad di Guelph na Canada a dicidi di test con bon hende por determina humor di un pushi basa riba nan expresion di cara. Algun persona tabata asina bon, cu e investigadonan a yama nan ‘cat whisperer’.

E estudio a involucra 6,300 participante di 85 pais kende a mira 20 video di pushi (principalmente for di YouTube) y a contesta un cuestionario online. E grupo di 40 video cu e estudio a uza a mustra cara di pushi di cerca, cual tabata den un estado emocional sea positivo of negativo. E participantenan mester a determina cua estado nan tabata, of si nan no tabata sigur.

Mayoria di persona tabata averahe, cu 12 di 20 corecto. E estudio a haya 13 porciento di participante cu tabata hopi bon, cu 15 respuesta o mas corecto. E investigadonan a haya algun tendencia den e grupo aki. E cat whisperer tabata mas probablemente hende muhe, y mas probablemente veterinario of tecnico veterinario.

E team a publica e resultadonan di e estudio den e edicion di november di e journal Animal Welfare.

“E habilidad di lesa e expresion facial di un animal ta critico pa evalua su bienestar. Nos hallazgo cu algun persona ta resalta den lesa e pistanan sutil aki ta sugeri cu ta un habilidad cu mas hende por siña”, segun lider di e estudio, Lee Niel, biologo di comportamento na e universidad.

Bo por test bo mesun habilidad di cat whisperer a traves di un quiz online interactivo crea pa e investigadonan riba e pagina https://catdogwelfare.wixsite.com/catfaces/cat-faces-interactive-quiz

LEAVE A REPLY

Please enter your comment!
Please enter your name here