Tin un frase cu ta hopi conoci den comunidad cu ta bisa ‘Un Aruba sin sushi ta un Aruba dushi’ pero esey no ta sigui na vigor mas.

Ekipo di Bon Dia Aruba a haya imagennan di un luga situa na Barcadera, na unda den ultimo lunanan cierto personanan a dedica di benta sushi afo. Varios luna pasa e mesun luga tabata yen di medicinanan caduca y aworaki comunidad ta sigui bentando cuanto cos nan no ta usa mas den nan cas.

Ademas, tambe a haya bestianan morto, corchon y cashi bieu te cu hasta paña; mientrfas cu precisamente na e momentonan aki por existi personanan cu situacion vulnerabel cu por tin mester di nan. Asina mes e situacion di e luga aki, cu cada dia ta birando un dump mas ta aumenta e preocupacion cu esaki por trece, entre nan mas malesa.

Di mesun manera, no ta comprendibel cu ta existi companianan cu ta encarga di recoge desperdicionan y sushi den cas, asina mes ta existi Parkietenbos na unda nan por hiba nan desechonan.

E yamado ta pa comunidad cuminsa bira mas consciente tocante preservacion di areanan cu aunke por ta bandona no ta un motibo pa tira tur sushi of bestia morto cu ta aumenta e nivel di contaminacion.

LEAVE A REPLY

Please enter your comment!
Please enter your name here