San Nicolas Business Association (SNBA) a informa por medio di su pagina di Facebook cu e hotel Secrets of Baby Beach ta den pleno construccion na unda nan ta mustra den varios potret e prome etapa di e desaroyo.
Segun e compania constructor di e hotel aki ‘Three Rivers’ a informa pa un otro medio di comunicacion cu nan lo kier a cumpra e materialnan na Aruba mes pa asina construi 600 camber den e prome fase y den e di dos fase 300 camber adicional.
Asina mes, a sigura cu e hotel aki lo tin impacto riba tereno economico, social y laboral, pa e dos fasenan e desaroyadornan ta inverti 184 miyon dollar.
