Argentina: Centenares di muhe a marcha cu pañuelo pa apoya e aborto legal

Centenares di muhe a reuni diamars den oranan di a atardi dilanti di e Congreso Argentino na ciudad di Buenos Aires pa pidi pa aborto legal, seguro y gratis. E acto a ser replica na varios ciudad di e pais.

Dilanti di e edificio unda aña pasa e senado a rechasa e legalisacion di e aborto, filanan di muhe cu pañuelo berde simbolo di e causa aki, a bolbe pa reclama un cambio den e ley dia 19 dia di februari pasa.

E marcha di pañuelos nacional a replica e mesun dia di 2018 cu a duna inicio na un serie di manifestacion pa exigi e modificacion di e ley. E evento a ser convoca pa e Campaña Nacional pa e Derecho di Aborto Legal, Seguro y Gratis.

E organisacion tabata encarga di redacta e texto di ley cu a ser aproba pa diputado, prome cu e Camara Halto a rechasa esey durante un sesion maratonico, cu a termina e 9 di augustus pasa.

E proyecto di ley tabata permiti e boluntario interupcion di un embaraso te e di 14 siman di gestacion, cu e expresion di e persona gestante so, ademas di garantisa cu e aborto lo ta gratis na tur servicio di salud di e pais.

Segun cifra oficial, na e pais ta haci 350.000 interupcion di embaraso pa aña. Otro calculo ta aumenta e number te 450.000.

Awendia e ley Argentino, cu tin casi 100 aña, ta considera aborto como no castigabel den caso di violacion, of si e muhe tin risico cu su bida y salud.

 

You May Also Like

Rusia y China ta veta resolucion tocante Venezuela

Rusia y China a pone un veto riba e propuesta di resolucion cu Estadonan ...

PDVSA ta negociando suministro di gas natural pa Colombia, Aruba y Trinidad

E empresa petrolero estatal Venezolana PDVSA ta den conversacion pa firma contrato di exportacion ...

Barco cu ayudo humanitario no por a sali di Curaçao

WILLEMSTAD – Gobierno di Curaçao a nenga salida di e barco Seven Seas cu ...

Studiante ta mata dos colega den klas na Goiania – Brasil, pa bullying

Un studiante a tira dos compañero di klas mata, y a herida otro cuatro ...

PDVSA den problema grandi na Bonaire

(lapatilla.com/Reuters) – E empresa petrolero Venezolano PDVSA por perde su licencia pa opera un ...

Gobierno di Colombia y grupo gueriyero ELN lo reanuda dialogo 16 mei proximo

Hefe di ekipo di negociacion di banda di gobierno di Colombia na dialogo di ...