Investigacion andando ainda riba avioneta accidenta

ORANJESTAD – Mas informacion Bon Dia Aruba a logra compila for di Republica Dominicana, tocante e avioneta accidenta diamars anochi, cu dos persona abordo y cu a cay na Calbas.

Coleganan di e corant Diario Libre a suministra nos matutino informacion di fuentenan cu ta prefera keda anonimo, ya cu e caso aki ta wordo maneha di un forma masha reserva ainda na Republica Dominicana.

E informacion duna na e matutino aki ta indica cu e avioneta accidenta a yega diadomingo ultimo, despues di bahada di solo na Republica Dominicana. E nave aereo aki a sali for di aeropuerto di e localidad di Higuero, diamars alrededor di 3’or atardi. Prome cu a sali, e avioneta a declara nan plan di vuelo pa aeropuerto Reina Beatrix. Den e plan di vuelo ta aparece como piloto Luvin A. Carrero y e pasahero, Alexis Sanchez, abordo di e avioneta. E prome di nan di nacionalidad Venezolano, y e di dos, un supuesto ciudadano Mericano di origen Dominicano.

Tanten na Aruba, minister di transporte publico, Chris Romero ta informa cu tin un investigacion ta andando riba e suceso di e avioneta cu a baha forsosamente na parti nort di nos isla. E relato duna pa e PR di e mandatario, Alexa Werleman, ta bisa cu pa mas o menos 8or, a drenta notificacion cu un avion lo a cay den e area di Calabas. Inmediatamente patruya di polis, ambulance, brandweer, y demas autoridadnan a acudi na e sitio. Por a haya confirmacion for di toren di control na aeropuerto, cu a perde contacto cu un avioneta cu tabata aproximando Aruba.

Bureau Rampenbestrijding Aruba inmediatamente a yama un reunion cu caracter di urgencia, segun e proceduranan vigente, pa asina coordina y monitorea e trabounan y procesonan na e sitio di e suceso, siguiendo e procedura segun e rampenplan vigente.

Resultado preliminar di e suceso a duna di conoce cu e avioneta cu matricula N23408, Piper PA-38 (Tomahawk), a haci un aterisahe forsoso den mondi den e area di Calabas. E avioneta tabata tin dos ocupante abordo, un di nacionalidad Mericano y un di nacionalidad Venezolano. Afortunadamente e ocupantenan ta den bon estado di salud y a presenta heridanan menor. E avioneta en cuestion tabata realisando un vuelo for di Higuero (Republica Dominicana) pa Aruba.

E investigacion a cuminsa ayera nochi mes y lo wordo conduci segun reglanan internacional vigente di ICAO su Anexo 13. Autoridadnan internacional manera NTSB (como cu e avion ta matricula na Merca) a haya un notificacion oficial caba for di Aruba.

Expertonan di Directie Luchtvaart, cu entrenamento special pa investigacion di accidente, ta encarga cu e investigacion preliminario cu ayudo di otro instancianan. E procedura ta dicta cu asina cu e rapport keda revisa y aproba pa un comision independiente, esaki lo keda publica.

Pa awor no lo duna ningun informacion specifico pa asina e investigacion por tuma luga den tur trankilidad, manera mester ta.

 

You May Also Like

31Aug EdM Polis maritimo (3).jpg

KPA: Buceadonan di Polis den training cu militarnan Hulandes y Mericano

Henter siman pasa e polisnan buceado di e ekipo di Polis Maritimo a tene ...

5P3A6894.jpg

Buskeda grandi den area di Noord pa sospechoso cu a huy drenta mondi

Diadomingo marduga oficialnan di K9 unit durante nan patruya a tuma nota di un hyundai ...

SEPB ta aclara caso di fraude na EPB Oranjestad

Esaki ta un comunicado textual di SEPB, sin adaptacion pa redaccion di Bon Dia ...

Minister Glenbert Croes: Hunto nos mester fortalece posicion di consumidor na Aruba

ORANJESTAD – Dia 15 di maart 1962 den su discurso na Congreso di su ...

Editorial

Hopi pregunta sin contesta encuanto refineria

Reapertura ta bay duna loke ta kere? Den e lunanan cu ta bin hopi ...

SEPPA: Tin docente- y trahadonan di DPS cu si ta ambtenaar

Tin un discusion entre minister di enseñansa y sindicato SEPPA riba e posicion huridico ...