Un empresario Argentino di 76 aña, cu husticia Colombiano ta acusa di financia e grupo terorista Ehercito di Liberacion Nacional (ELN), a ser deteni na e localidad di Campana, fuentenan policial a informa diabierna pasa.
E persona aresta, Roberto Jorge Rigoni, tabata forma parti di e compania multinacional Italo- Argentino di construccion SICIM, y segun e investigacion, a financia e bloke oriental di e grupo arma ELN entre 2011 y 2015.
E Fiscalia 13 specialisa na Unidad Nacional anti terorismo di Bogota a solicita un notificacion di indice cora di Interpol pa solicita su captura.
Segun e fuentenan, a traves di informacion aporta pa polis Colombiano, e profugo ‘tabata coordina e envio di suma di placa miyonario cu lidernan di e red di finansa di e grupo subversivo’,manera Salvador Gaitán Garrido Hinojosa, alias ‘Gaitán’ y Amali Meza ‘La Gorda’.
Pa esey el a crea ‘un empresa prestado di varios servicio’ pa e multinacional SICIM, cu e supuesto fin di ‘di otorga legalidad pa e fondonan cu tabata dirigi pa solventa e gastonan di e guerrilla’.
Di e investigacion a sali cu e milicia di ELN tabata dispone di autonan di e empresa, y tabata utilisa nan cu fin delictivo, y tambe cu awo e detenido a organisa hunto cu integrante di e grupo terorista extorsion pa ehecutivo, ingeniero, tanto di e mesun constructor como di otro compania.
E detencion na Campana, 80 kilometer di e centro di Buenos Aires y unda Rigoni tabata biba, a tuma luga pa e Polis Federal Argentino, producto di e tareanan di investigacion cu a ser realisa cu autoridadnan Colombiano.
