Venezuela: General Chavista ta bandona Maduro

E general di division Ramon Rangel, cu a participa den e intento di golpi di estado contra Carlos Andres Perez dia 27 di november 1992 hunto cu Hugo Chavez, a divulga diadomingo un video den cual e ta expone su diferencianan cu e dictadura di Nicolas Maduro, y a haci un yamada na forsa arma nacional pa mantene nan mes na articulo 328 di constitucion di Venezuela.

“Nos no mester sigui bisa ‘leal semper, traidor nunca’, pasobra nos ta traidor. Traidor di un constitucion nacional. Den su articulo 328 ta bisa cu nos no mester ta servil na un persona o parcialidad politico,” e militar Venezolano a afirma.

Gradua na Scol di Aviacion na 1987, Rangel a relata cu durante seis aña e tabata testigo di con e dictadura Cubano a somete su pueblo ‘pa mas di 60 aña’: “E pueblo Cubano a ser someti bao di yugo di un dictadura castrocomunista pa mas di 60 aña. Nan ta biba den condicion di pobresa, cu nan ta adhudica na e blokeo, y esey ta falso. Nan a forma un nucleo di e grupo castrocomunista ey, cu no ta laga e recursonan cu nan tin, cu ta hopi, yega na estado Cubano. Nan ta gaña nan, y nan sa esey.”

Rangel a haci un yamada na e militarnan, pa termina cu e influencia di Cuba na Venezuela. Hasta el a sugeri cu tal bes ta e Cubanonan lo a kita Chavez for di caminda. “Ken ta bisa cu no tabata nan cu a mata comandante Chavez pa kit’e di caminda y lag’e liber pa cualkier cu bin na cabes di estado Venezolano pa e percura pa nos rikesa bay Cuba.”

 

You May Also Like

Presidente Trump ta prohibi transaccion di moneda digital Venezolano

(NTN24) Presidente di Estadonan Uni, Donald Trump, a firma ayera un orden ehecutivo cu ...

Venezuela: Mayoria di lider opositor no por participa na eleccion

(infobae/ElNacional) – Mientras cu ta sigur cu presidente Maduro lo ta e candidato pa ...

Mucha menor asesina durante protesta na Caracas

Un mucha menor di edad a ser asesina durante un protesta na Las Mercedes, ...

Chile: Piñera ta critica Bachelet pa no condena ‘dictadura di Maduro’

SANTIAGO (NTN24) – E presidente Chileno, Sebastian Piñera a reprocha su antecesor y alto ...

Trinidad & Tobago ta lidia cu problema di refugiado Venezolano

Mientras Venezuela ta continua cu su crisis politico y socio-economico, e nacion di dos ...

Dilma Roussef: Brasil ingobernabel si Lula no por ta candidato presidencial

Ex-presidente Dilma Rousseff a declara cu e ta considera cu Brasil lo ta ingobernabel si husticia declara ...