epa08578274 (FILE) - A close-up shows the video-sharing application 'TikTok' on a smart phone in Berlin, Germany, 07 July 2020 (reissued 01 August 2020). US President Trump said he intends to ban Chinese social media app TikTok. EPA/HAYOUNG JEON

(Independent) – Un mucha muhe di 12 aña supuestamente a muri despues cu a haci un challenge di e red social Tik Tok na Argentina. E hecho a tuma luga dia 13 di januari ultimo na ciudad di Capitan Bermudez, Argentina.

Milagros Soto a wordo haya morto na su cas despues cu supuestamente a haci e “blackout challenge”, un di e centenares di challenge cu ta circula riba e red social Tik Tok.

E punto di e challenge ta cu usuarionan ta choca nan mes te cu nan cay flauw.

Segun rapportnan, Milagros a haci e challenge dos biaha caba cu exito, pero nan ta kere cu el a muri den e di tres intento.

E tanta di e mucha a splica cu el a ricibi un mensahe di Whatsapp di un hende cu un link di e desafio despues cu el a sufri di bullying na su scol.

“Mi ta kere un hende a stimul’e pa haci’e”, su tanta a bisa, “el a sufri hopi di bullying na su scol”.

Polis ta investigando e caso.

E challenge di e tipo aki no ta un fenomeno nobo, na 2008 CDC a señala cu mas di 82 hoben a muri na mita di decada di 90 y 2000 como resultado di participa den “weganan di chocamento”.

E rapport a haya cu mayoria di e mortonan a sucede entre personanan di 11 pa 16 aña, cu un edad promedio di 13 aña.

Na november, un articulo di Bloomberg Businessweek a vincula e interaccion actual di e challenge cu por lo menos 15 morto di muchanan di 12 aña durante 18 luna, e mayornan di shete mucha cu supuestamente a muri despues di purba di haci e challenge a demanda TikTok.

 

LEAVE A REPLY

Please enter your comment!
Please enter your name here