Ariana Grande a anuncia cu e ta comprometi den un serie di potret di su mes cu su prometido y su renchi di compromiso.
E cantante di ‘Rain on Me’ a post e potretnan di su mes den un abraso cu Dalton Gomez, un agente di bienes raices di luho, riba Instagram diadomingo. Grande a inclui un potret di e renchi den e post, cu tabatin e leyenda ‘forever n then some’ (‘pa semper y mas’).
Mama di e cantante a felicita e pareha riba Twitter, bisando cu e ta emociona pa duna bon bini na Gomez den e famia.
Revista People a reporta cu Grande y Gomez a cuminsa nan relacion anteriormente e aña aki.
Grande a lansa su album di studio mas recien, ‘Positions’, na november. Ayera, Netflix a lansa un pelicula di su tour mundial ‘Sweetener’, titula ‘excuse me, i love you’.
Anteriormente, Grande tabata comprometi cu miembro di elenco di ‘Saturday Night Live’, Pete Davidson na 2018, pero nan a termina nan relacion e mesun aña.
