Den cooperacion cu Wardacosta di Caribe Hulandes y Wardacosta di Merca, Zr.Ms. Friesland a intercepta 4.200 kilo di narcotica den lama Caribe. E intercepcion a tuma luga diasabra 31 di october.
Mainta trempan di diasabra 31 di october, un avion di patruya Dash 8 cu ta pertenece na Wardacosta di Caribe Hulandes a nota un embarcacion sospechoso. Zr.Ms. Friesland a responde dor di desplega su dos botonan di interscepcion rapido (FRISC). Esakinan tabata tripula pa un team di Zr.Ms. Friesland, e Scuadron di Seguridad Maritimo, y personal di Wardacosta di Merca.
E barco sospechoso a ignora multiple comando pa para, y tambe tironan di advertencia. Pa medio di e accionnan di e FRISCnan, e team di Wardacosta di Merca por a subi e barco lihe. E droga y e sospechosonan a wordo entrega na Wardacosta di Merca.
For di september, Zr.Ms. Friesland a sirbi como e barco di stacion pa e region di Caribe. Su tareanan ta inclui conduci operacionnan anti-narcotico, pa cua e ta traha den rotacion cu tanto Wardacosta di Merca como Wardacosta di Caribe Hulandes. Ademas, e barco ta keda pendiente pa brinda ayudo humanitario den caso di desasternan natural, manera horcan.
