(AP) — Un vocero a bisa cu Arnold Schwarzenegger tabata ‘bon’ despues di tabata involucra den un accidente di trafico cu a manda un muhe hospital cu heridanan menor.
E actor di 74 aña di edad, y ex-gobernador di California, tabata core un GMC Yukon cu tabata entre cuatro vehiculo involucra den e accidente diabierna na seccion Brentwood di Los Angeles.
Un muhe mester a bay hospital pa un golpi na su cabes, polis a bisa den un declaracion. E declaracion di Departamento di Polis di Los Angeles (LAPD) a bisa cu no ta sospecha alcohol ni droga como un factor den e accidente, pero no a menciona un causa pa esaki.
Schwarzenegger no a resulta herida y a permanece na e escena, vocero Daniel Ketchell a bisa diasabra.
