Articulo y droga confisca pa Flex-Team

Recientemente e Flex-Team, cu ta un ekipo special di Cuerpo Policial Aruba, a tene varios accionnan rond di nos isla, na unda nan a confisca diferente articulonan y droga entre otro riba caya.
E flex-team a topa cu aglomeracion di hende den e areanan di Manuelitos, Cirkle-K, Hotel Bacarat, area di vivienda den Noord, Madiki y Seroe Patrishi, na unda cu man duro a trata e hendenan.
Banda di e localidadnan manera Lekker, De Olde Molen y Cas Casuela, a controla despues cu e luganan a cera y a core cu e hendenan for di sitio. Tambe e Flex-team a topa cu gruponan di hende banda di Eagle Beach, di cual nan tabata consumi alcohol y cu musica basta halto.
Polis a papia cu nan y a core cu nan for di e sitio. Diadomingo anochi tabatin un grupo di persona cu musica duro. Te cu 11:00 pm ta tolera musica cu un volumen abou. Un biaha mas den e parkeerplaats di The Village tabata tin un aglomeracion di hende y nan tabata consumi alcohol. A core cu nan for di e
sitio y na mes momento Flex-Team a controla esunnan cu tabata mustra sospechoso.
E Flex-Team di Cuerpo Policial a sigui controla durante e Carubbian Festival y tur cos a bay trankil. Banda di Carolina Bar a stop un Kia Rio color oro pa tene control, y aki a bin topa cu un tas preto
cu un marihuana maler, hennep olie y pipa di marihuana.
Polis di Flex-Team a confisca tur cos. Tambe a pasa controla den e area di Mabon y rond di Pacifico Restaurant. Den oranan di marduga e Flex-Team a topa cu un grupo di persona den e parkeerplaats di Heart Music Cafe. Aki nan a topa cu un Honda Fit shinishi y tabatin un homber para pafo. Na momento cu el a

mira polis, el a core bay for di e sitio y di biaha nan a bay su tras.
Ora cu a logra gara e persona, a nota cu e tabata tin su man robes cera, pero tambe a mira cu un saco tabata sali. E persona a regresa na e auto y a tira e saco patras den e auto. A nota cu den e saco tabatin pildo berde y cu esaki tabata XTC. Esaki a pone cu
polisnan di Flex-Team a pidi e chauffeur pa baha for di e auto y a mira un saco di marihuana. A haya saco di XTC, marihuana y cocaina, pero tambe a haya 7 saco di substancia color ros cu ta parce MDMA (Molly). E polisnan di Flex-Team a detene R.D.C y A.J.W. den e caso di Landsverordening Verdovende Middelen (L.V.M).
Den Johan de Wittstraat a topa cu un homber burachi pafo di un cas di prostituta, y e homber tabata pa bay na un bar ilegal. A detene y a trece warda, unda el a keda cera. Na diferente caminda a controla diferente auto y a topa cantidad di marihuana, saconan di cocaina, algun piedra di cocaina, sker, cuchiu y marihuana malers.
Den resumen di e accion di e Flex-Team tabata tin como resultado: 71 control, 3 de- tenido, 2 caso di L.V.M y 1 caso di buracheria.

You May Also Like

Auto horta for di misa na Mahuma haya riba caminda principal

Diaranson anochi personanan a constata cu desconoci a horta un rav4 blanco for di ...

Doño a topa cu su sentra horta y Polis a haci detencion na Seroe Patrishi

Diaranson atardi un cabayero tabata buscando su Nissan sentra cu a keda horta tres ...

Homber hinca serio den su cas y ta den situacion critico

Polis ta informa cu awe nochi nan a haya un homber riba caminda sinta ...

Homber a fractura su brasa ora a resisti cu polisnan

Patruyanan di Noord diahuebs anochi a bay na Arubiana Inn na Bubali pa un ...

KPA: ‘Detencion di parada di flambeu a triplifica’

No ta un sorpresa cu durante transcurso di añanan durante carnaval e detencionnan cu ...

Husticia ta resolve ocho atraco pisa

E luna aki Cuerpo Policial di Aruba bou guia di Ministerio Publico a logra resolve ...