Presidente di Merca Donald Trump a confisca algun documento despues di reportahenan a sali cu team di Hillary Clinton tabata tras di alegacionnan cu tabata link e na Rusia. Tabata tin algun declaracion cu a sali cu Trump a keda filma ta sali cu algun prostituta na un hotel na Moscow aña pasa cual tabata parti di e noticianan falso fabrica por medio di e team di Clinton pa perhudica Trump durante eleccion.
“E victima akinan ta e presidente,” Trump a publica via un Tweet diaranson. Desde aña pasa caba e tabata bisa cu tur e declaracionnan aki ta ‘fake news’. Segun reportahe di US Media, Perkins Coie, un abogado representando Clinton y DNC durante campaña, a bini cu un team den april 2016 (Fusion GPS).
Fusion GPS, basa den Washington DC, a wordo paga pa coba cualkier cos cu nan por haya cu lo bay contra Trump, kende e tempo ey tabata rival di Clinton pa bira presidente di e pais. E agencia a contrata Christopher Steele, un ex spion di Britania cu a yega di traha cu Rusia, pa haci e investigacionnan aki.
Fuente: BBC
