Parlamento Europeo ayera diabierna a tene un encuentro virtual cu representantenan di sociedad y artistanan Cubano, entre ken tabata e lider di e Movimiento San Isidro (MSI), Luis Manuel Otero Alcantara, y e cantante Yotuel Romero, autor y interprete di Patria y Vida, e himno di genero urbano cu a sacudi e regimen Cubano.

Bao di e titulo ‘Patria y Bida, arte y politica uni pa Cuba’, a transmiti e evento gratis riba YouTube, modera pa e presidente di e ONG Prisoners Defenders, Javier Larrondo, y presidi pa vicepresidente di Parlamento Europeo a cargo di Latino America, Dita Charanzova y Leopoldo Lopez Gil, e vice-coordinador di Subcomision di Derechonan Humano di e mesun institucion.

E encuentro a conta cu presencia di varios representante di cultura y sociedad civil Cubano, manera Otero Alcantara y Yotuel, responsabel di dos di e iniciativanan di mayor impacto cu a genera den escenario politico Cubano: e Movimiento San Isidro y e cantica Patria y Vida, cu a yega na e consciencia y sentimentonan di hopi Cubano paden y pafo di e isla.

Ademas tabata presente den e encuentro virtual e artistanan Cubano, Willy Chirino y Gente de la Zona, e curador di arte Anamely Ramos, e cientifico Ariel Ruiz Urquiola, deportista Yoel Romero, escritor Wendy Guerra, ken lo interveni dilanti e diputadonan Europeo den nomber di sociedad civil y artistanan Cubano.

el Movimiento San Isidro y el tema de género urbano Patria y Vida, un himno que ha llegado a la conciencia y los sentimientos de muchos cubanos dentro y fuera de la isla.

E cantante Willy Chirino tabata hustamente un di e musiconan cu siman pasa a mustra admiracion publico pa Patria y Vida, y a sigura cu esaki ta loke pueblo Cubano mester di su artistanan. “Hopi fuerte e video aki. Ta exactamente loke pueblo Cubano mester di su artistanan. Danki na tur cu a participa y a dicidi di haci loke mester a haci”, Chirino a skirbi riba rednan social hunto cu e video cu ya ta acumula mas di 2 miyon views den menos di 10 dia.

LEAVE A REPLY

Please enter your comment!
Please enter your name here